Mizoram in kawlphetha MW 10 vel pechhuak

Power & Electricity Department leh Irrigation Department Secretary, H. Lalengmawia chuan Mizoram chhungah Kawlphetha Megawatt 30 zet pechhuak thei tur duan a ni chungin heng a\anga pekchhuah hi Megawatt 10 vel chauh ala nih thu a sawi.

Champhai District chhunga Electoral Roll Special Summary Revision 2018 neih meka Observer ni bawk, H. Lalengmawia hian nimin khan Champhai tlawhin Electoral Roll Revision neih mek chungchang sawihona ah he thu hi a sawi a. Power & Electricity Department Secretary ni bawk, H. Lalengmawia chuan Mizoram in kawlphetha a mamawh sanlai berin rampawn a\angin Megawatt 80 zet lei a ngai \hin tih sawiin, heng mamawh te phuhru tur hian Champhai District chhungah Megawatt 30 pechhuak thei tur, Tlawva Mini-Hydel Project leh Kawlbem Mini-Hydel Project siam mek anih bakah Vankal ramah Solar (Energy) Plate hmanga Megawatt 24 pe thei tur din anih dawn thu a sawi a ni.

He hunah hian Election Observer, H. Lalengmawia chuan ERO te chu Champhai District chhunga Electoral Roll Special Summary Revision kalpui mekah thun leh paih bakah siam\hat ngai thilah Dan ang taka hma la a, Electoral Roll felfai leh rintlak nei turin dan tlawhchhan a, huaisen taka thawk turin a chah bawk a ni.