Mizoram-ah Malaria vanga thihna tlem telh telh tih sawi

Bye Bye Malaria Foundation hmanga khawvela Malaria a bo theih nana hmalatu, Stuart Spani-a chuan Mizoram-ah Malaria vanga thihna a tlem chho telh telh niin a sawi.

Nimin a Aizawl Press Club-a thuthar lakhawmtute a kawmnaah he thu hi sawiin Stuart Spani-a chuan kum 6 hma lamah khan chuan Mizoram-a thihna chhan tam ber chu Malaria a ni thu leh hei hi zawi zawia a tlakhniam mek thu sawiin, tun dinhmuna Mizoram a thihna chhan tam ber chu Cancer a ni thu a sawi a, HIV leh mahni intihhlumin dawtin a palina-ah Malria a awm tawh niin a sawi bawk.

Stuart Spani chuan Malaria natna a tlem zel theih nan khawvel hmun hrang hrangah Thosi-in an hlauh thing chikhat, Artimesia chu phun chhoh mek a nih thu pawh sawiin, Mizoram-ah pawh kum 2009 a\ang khan chhim lamah he thing hi phun \an a ni tih a sawi a, he thing hi Thosi-in an hluah avangin a bulhnaiah an awm \ha duh lova, Mizoram puma phun chhuah a nih hnuah chuan Malaria natna chu um chhuah theih a beisei thu a sawi bawk. 

Mizoram-ah HIV kai lo tura inzirtirna atana Bus, Taxi leh hmun hrang hranga Condom hmang tura inzirtirna tar a ni chu \ha lo a tih thu leh mipat hmeichhiat hman khaw lohna pawi zia uar zawka kalpui \ha a tih thu pawh Stuart Spani chuan a sawi a. Mizo mipui zinga Cancer vei an tam chhan pawh a thianghlim leh thianghlim loh hriat chian loh thlai leh eitur chi dang, State pawn a\anga lakluh nasa lutuk chu a chhan ni theia a hriat thu leh mipuite hrisel zawk nan mahni tharchhuah tam thei ang ber ei tura \anlak ngai a tih thu a sawi bawk.