Latest News

MNYF Hqrs. huaihawtin Serchhip-ah ‘Vangpui Fehchhuah' hun hman a ni

MNF |halai, Mizo National Youth Front (MNYF) buatsaihin Inrinni khan Serchhip-ah 'Vangpui Feh-chhuah' hun hman a ni a, he hun hi MNYF President, Er. Lalrinawma, MLA leh Dr. K. Beichhua, MLA ten an rawn hmanpuiin zaithiam te nen Serchhip Bazar-ah hun hman a ni.

MNF |halai ten Mizoram hmun hrang hranga 'Vangpui Fehchhuah' hun an hman mek puala Serchhip-a hun an hmanna ah hian MNYF President, Er. Lalrinawma, MLA chuan Mizoram sorkar kaldana an duhkhawploh hrang hrangte sawiin Congress sorkar in Flagship Programme-a a neih NLUP chu a hlawhchham tih sawiin, NLUP hlawhchham thu chu MNF, ZNP, MPC leh Party dang te sawi ni lovin CAG Report-ah tarlan a nih thu a sawi a. MNF Party in sorkar-na an chan laiin Health Care Scheme kalpui a nih thu sawiin, tuna sorkar in ti tura min tih angin mipui ten kan tih tur kan tih laiin damlo zingah Health Care mahni Bill ang hmu thei an la awmlo tih a sawi. Zu chungchang pawh sawiin Er. Lalrinawma chuan Zu avangin ruihhlo a hluar thu leh Zu man a tlawm avangin ruihhlo zuartu ten hralh theihloh an hlauh thu sawiin, hei vang hian ruihhlo man te a tlawm phah hle tih a sawi a, Mizoram-a HIV/AIDS inkaichhawna ber pawh ruihhlo vang a ni leh tawh tih sawiin, MNF an sorkar veleh Zu zawrh chu tihtawp a ni dawn tih a sawi bawk.
MNYF President chuan kawngpui chungchang pawh sawiin sorkar in kawng chhiat chhan ah Fur laia ruahtui tla tam chu a mawhpuh thu sawiin, |hal-ah erawh chuan Contractor te a puh leh thung tih a sawi a. MNF an sorkar phawt chuan kan kawngpui te chu siam\hat nghal a nih tur thu a sawi a. Congress sorkar in Trading Regulation a neih loh avangin kan ramah hnamdang, Vai sumdawng lian te an rawn inbun mek tih sawiin, kan sorkar hian duh ni sela chuan MNF leh India sorkar inremna thuthlung behchhanin hmalak theih a nih thu a sawi bawk.
Kan rama zirna chungchang pawh sawiin Er. Lalrinawma, MLA chuan, "Sorkar in World Class Education neih tumin hma a la a, sorkar hmasa ah Education Reforms Commission te dinin hma an la a, amaherawh chu a hrinchhuah chu Amalgamation a ni," a ti a. "Tunah chuan sorkar School-ah zirlai an tlem tial tial thung; hei hian rua-hmanna a \hat tawk lohzia a tilang a, amalgamation kan sawi kan sawi ta mai a nih hi. Transfer & posting rules mumal kan neih loh avangin kan buai mek a, MLA thu a ni, a ni leh lo kan ti thul. Hmun \henkhatah chuan zirlai aiin zirtirtu an tam zawk a ni. MNF kan sorkar chuan zirna \ha zawk kan neih theih nan transfer & posting rules mumal tak nei turin hma kan la dawn a ni," a ti bawk.
MNYF Vice President, Ramdina kaih-hruai he hunah hian Dr. K. Beichhua, MLA pawhin thu sawiin kan ram chu a damlo nia sawiin tihdam rawngbawl hna thawh a ngai ta niin a sawi a. Congress sorkar in Flagship Programme-a a hman NLUP chu a tirah Prime Minister Special Package a\anga sem angin sawi mah se Assembly House-ah Finance Minister in Plan sum a\anga sem a nih thu a sawi tih sawiin, a hlawh-chhamna pawh CAG Report-ah tarlan a nih thu a sawi a. Plan sum a\anga NLUP sem a nih avangin sorkar in hmasawnna hna thawk thei lovin kan kawng te a chhia a, hei vang hian Chhiah tam hmuhna turin kawng hrang hrangah hma a lak tak thu leh Zu te pawh an zawrh thu sawiin, kum khatah cheng vbc. 40 vel Chhiah a hmuh theih dawn avangin loh theihloh in Zu chu an zuar tih a sawi a, hei hian \halaite nasa taka a suat leh thu a sawi bawk.
He hunah hian MNYF Vice President, Lalremruata Chhangte leh hruaitu dang te pawhin thu an sawi a, zaithiamte nen hun hmangin party mi \hahnem tak an tel a ni.

Comments

Popular News (Last 30 Days)