International Nurses Day denchhenin hun hmang

International Nurses Day denchhenin Inrinni khan Serchhip Bazar-a a thlawna BP enfiahna hun hawn a ni.
Nimin May 12, 2024 kha International Nurses Day niin hemi denchhen hian tun thla ni 6 atang khan ‘International Nurses Week’ chu hman a lo ni tawh a, kumin hian ‘Our Nurses, Our Future, The Economic Power of Care’ tih chu thupui-ah hman niin Trained Nursed Association of India (TNAI) Mizoram Branch, District Hospital, Serchhip-a thawk te chuan hemi pual hian Inrinni khan Serchhip Bazar-ah a duh apiangte tan a thlawna BP enfiahna hun hi an buatsaih a, Serchhip mipui ten an hlut hle a. Chhun lamah District Hospital Serchhip-ah he ni pual hian hun an hmang bawk a ni.

Modern Nursing hmuchhuaktu Florence Nightingale-i piancham denchhenin kumtin May 12-ah International Nurses' Day (Nurse-te Ni) hi hman thin a ni a, Pathianni-a a tlak avangin Mizoram-ah chuan May 10 leh 11 khan mahni remchan dan angin District hrang hranga Nurse - Hospital-a thawkte, zirna In-a thawk leh pensioner-te chuan an hmang a ni.