Mobile Phone man hlan let

Lunglei Police Station-a Cyber Cell chuan kumin April 23 hnu lama Mobile Phone bo leh ruk an zawnchhuah 11 te chu nimin khan a neitu dik tak te hnenah an hlanlet a, hemi puala hun hman ah Lunglei SP J. Lalmuankima chuan Lunglei Police Station-a Cyber Cell te lawmthu hrilhin, an thawhrimna avanga hetiang zat Mobile Phone bo hmuhlet leh a ni chu fak tlak an nih thu a sawi a. Tunlai ah IT lama changkanna umphak ve zel a tul thu sawiin, tuna an hlawhtlinna pawh hi awmze nei taka Central Equipment Identity Register (CEIR) Portal an hman tangkai vang a nih thu a sawi. Lunglei Police te hian a hma lam March 14 leh April 23 chhung khan mi 11 te Mobile Phone an hmuhlet sak tawh bawk a ni.