Vawiin ah Assembly \hutkhawm \an dawn

Ni thum chhung awh tur Mizoram Legislative Assembly Session chu Vawiin hian neih \an a ni dawn ta.

Vawiin a \an tur he Assembly-ah hian Vawiin a hun hmasa ah Session hnuhnung ber leh tun Session inkara Assembly Member hlui boral te sunna hun hman a ni anga, hemi hnu hian zawhna leh chhanna hun hman zui a ni ang. Mizoram Legislative Assembly Thlasik \hutkhawm chu tluang taka a kal a beisei thu Speaker, Hiphei chuan a sawi a, Speaker chuan Mizoram-a rorelna sang ber Assembly House-a rorelna chu a felfaiin a \ha em em a, Speaker tan pawh hruai a nuam em em \hin a ni, a ti a. Dy. Speaker zin bo lai a nih dawn avangin tun \um Session chu amah leh Panel of Chairman-te’n an kaihhruai dawn thu a sawi bawk. Tun \um Session-ah hian House chhunga chhan tur Starred Question 106 a awm a, ziak chhan tur 6 a awm bawk a. Bill panga – The Mizoram Cooperative Societies (Amendment) Bill, 2017; The Mizoram Urban Areas Rent Control Bill, 2017; The Mizoram Parliamentaries (Appointment, Salaries, Allownces and Miscellanous Provisions (Repeal) Bill, 2017; The Mizoram State Higher Education Council Bill, 2017 leh The Mizoram (Pension for members of the defunct Mizo District Council and of the Defunct Pawi – Lakher Regional Council (Amendment) Bill, 2017 te ngaihtuah a ni bawk ang.