Serchhip District-ah ASF vangin Vawk a thih belh zel

Serchhip District-ah nimin khan ASF vanga Vawk thi pathum awmin Vawk 10 suat belh leh a ni bawk.
AH & Vety Department atanga thu kan dawn danin Serchhip District chhunga ASF hri len mekna Khumtung khua ah nimin khan Vawk thi pathum awm belh lehin heng te hi Vawk note pahnih leh Vawk puitling pakhat a ni a, Khumtung-ah hian Vawk dang 9 suat a nih bakah Chhingchhip khua ah pakhat suat leh a ni bawk. Heti hian nimin thleng khan Serchhip District-a khaw pahnih ah hian ASF vanga Vawk thi 53 awm tawhin Vawk 107 zet suat a ni tawh bawk a, Khumtung khua ah Vawk 42 thi tawhin 58 suat a ni tawh a, Chhingchhip khua ah Vawk 11 thi tawhin 49 suat a ni tawh bawk a ni.

Hetihlai hian Serchhip-a District AH & Vety Officer Dr. H. Vanlalrawna chuan ranvulhtu ten Ran damloh chungchangah harsatna an neih emaw a niha District Vety Hospital hlat deuh a an awm a nih chuan Toll Free No.1962 (Helpline) siam a nih thu a sawi a, he Phone-ah hian Office hour chhungin biak reng theih a ni tih Serchhip District mipuite chu a hriattir bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man