Latest News

Zirlai ten thisen Unit 46 pe

Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.

PRISM in Zu khuahkhirhna Dan ennawn ngai an tih thu an sawi

PRISM chuan Mizoram-a Zu khuahkhirhna Dan chu ennawn ngai hlea an hriat thu an sawi.
Hemi chungchanga thuchhuah siama an tarlan danin PRISM chuan Mizoram-a Zu khuahkhirhna kalpui dan zirchiangin, zu zuar leh zu zawrhna te a hmunah an en a. Hemi hnu hian siam\hat ngai nia an hriat te tarlangin, MAMCO, MIFCO leh ZIDCO ten Zu an zuar chu anmahni corporation danah Zu zuar tura inziaklut annih loh avangin Company Act bawhchhiatna a ni a, zu hi an zuar dawn anih chuan an memorandum an siam\hat a ngai tih an sawi a. Mizoram Police Battalion Headquarters hrang hrang chhunga Zu an zuar chu Police Manual leh Canteen dan kalh nia sawiin, an zuar dawn anih pawhin kalphung an siam\hat a ngai tih an sawi.
Hei bakah hian PRISM chuan Zu dawr te zing dar 10:00 a\anga an hawng chu \ha an tih loh thu pawh sawiin, State dangte tih danin tlai dar 2:00 hnulamah chauh hawn ve \hin ni se an ti bawk a, MLPC Act hman \antirh lama Social Work hmanga zurui an man te an hrem \hin kha tunah hian an kalpui zui tawh lo nia sawiin, Dan an lo siam tawh ang bawhzui leh se an duh thu an sawi bawk.

Comments

Popular News (Last 30 Days)