MSU Federal Body Meeting neih a ni

Mizo Students’ Union (MSU) Federal Body Meeting chu nimin khan Ropuichhip khua ah neih a ni.

MSU Rorelna sangber dawttu Federal Body Meeting nimin-a neih hi hi an President Samuel Zoramthanpuia chuan kaihruaiin chawhma lamah Agenda hrang hrang ngaihtuah a ni a, Mizoram chhunga danlo a khaw dinte tihtawp a nih theih nan leh a chhunga chengte dapchhuah a hmalak an rel bakah Elementary, High School leh Higher Secondary School upgrade leh Provincialised tura Mizoram sawrkarin Order a lo chhuah tawh angin Zirlai leh School te'n hamthatna an dawn vat theih nan a rang lamin Mizoram sawrkar hnenah thlenin hmalak an rel bawk a ni.

Nimin chawhu lam khan Vantlang Inkhawm neih chhunzawm nghal a ni a, he hun hi Rural Development Department Director R. Lalthazuala chuan khuallian nia hmanpuiin thalaite chu khawtlang ro an ni tih a sawi a, “Kan Ram leh khawtlang alo changkan theihnan theihtawpin lehkha kan zir anga, taima takin hna kan thawktur a ni,” a ti a. “Zirlai kan nih chuan mahni kan in hriatchian a ngai a, chu chuan hlawhtlinna kawngah min hruai dawn a ni,” tiin duhthlanna kan siam thiam a pawimawh thu a sawi bawk.

He hunah hian Rawpuichhip khua NGO hruaitu hrang hrang leh VCP bakah zirlai engemaw zat telin MSU General Hqrs. a Adviser RK. Hnuna chuan Zirlai kalkhawmte fuihna thu a sawi bawk a ni.

Comments

Popular News (Last 30 Days)

LPG man bithliah thar