PHE Serchhip hmalakna in Buangpui khua ah faina-a hmalakna atan Bawlhhlawh bawm sem a ni

PHE Serchhip WATSAN Division hmalakna in nimin khan Buangpui khua ah pawnler-a inthiar awmlohna khuaa an inpuanna chhawmnung zel tura inzirtirna hun hman a ni a, he hun hi PHE Serchhip WATSAN Division-a Sr. EE, Er. F. Lalsanglura chuan a hmanpui a, chhungkaw tin te hnenah Bawlhhlawh bawm sem nghal a ni bawk.

Nimin a Buangpui Community Hall-a he hun hmanna ah hian Er. F. Lalsanglura chuan Buangpui khua chu pawnler-a inthiar awmlohna, Open Defecation Free (ODF) Village ah an inpuan tawh thu leh sorkar laipui a\ang pawha enfiah an nih tawh thu sawiin, ODF-a an inpuanna chu vawnnun-a chhawmnun a nih zel theih nan he hun hi buatsaih a nih thu a sawi a. Faina, thianghlimna leh hriselna chu thil inzawm tlat leh inzirtir zel \ul anih thu sawiin, thianghlimna bul \anna atan tui a pawimawh thu a sawi a. Buangpui khaw tan kum 2005 ah PHE Department chuan tui an lo lak tawh thu leh tunah hian Ni zung chakna (Solar energy) hmangin Tuirihiau-a tui pawh pump turin sorkar in hma a lak zel thu a sawi a. Tui thianghlim lo a\angin natna chi hrang hrang leh tlang hrileng te tawrh theih nih thu sawiin, hei vang hian kan tui tlan te kan humhalh a \ul thu a sawi a. Tunah hian PHE Department leh Central YMA chuan thawhdunna siamin ramngaw-a tuihna awm te humhalh tura hmalak mek a nih thu a sawi bawk.

Mihring in kan taksa a\anga kan mamawh tawhloh kan paihchhuah ten mihring te tan harsatna a thlen \hin thu pawh sawiin, kan zun leh ek te a tihral danah kan fimkhur a \ul thu a sawi a. Chumi atana hmalakna ah Buangpui khua ODF-a an lo inpuanna chu chhawmnun zel a \ul thu uar takin PHE EE chuan a sawi a. Tuna bawlhhlawh bawm an sem hnu hian khawlai-ah bawlhhlawh bawm hun leh tum a nih thu leh bawlhhlawh paihna hmun, Dumping Ground siam a nih leh dawn thu leh Dumpung Ground pawh an la siam leh dawn thu a sawi bawk.

PHE Serchhip WATSAN Sub-Division-a SDO, Er. K. Lalrintluanga kaihhruai he hunah hian Buangpui Village Water & Sanitation Committee Secretary, HT. Biaksiama chuan Buangpui khua in faina kawnga hma an lak dan leh an khaw tana tui lakna an enkawl dan te a sawi a. Buangpui VCP, H. Thanchungnunga pawhin an khaw faina tura hma an lakna hrang hranga hma an lakna \awiawma theihtawp chhuahtu khawtlang mipuite leh ruahmanna te siampuia an mamawh te ngaihtuah saktu PHE Department chungah lawmthu a sawi a. Tun \uma bawlhhlawh bawm sem te chu \angkai taka hmang tura mipuite chahin, a nihna tur anga hmang lo te chu chhuh-sak leh an nih dawn thu a sawi bawk.

Nimin a he hun hmanna ah hian Buangpui khuaa chhungkaw 105 te hnenah bawlhhlawh bawm pakhat \heuh sem niin Anganwadi Center pahnih bakah Primary School, Middle School leh High School-ah pakhat \heuh sem a ni bawk a. Sub-Centre, YMA Run leh VC House-ah te pawh Bawlhhlawh bawm hi sem niin nimin a bawlhhlawh bawm semchhuah zawng zawng hi a vaiin 113 a ni a. Hemi rual hian Buangpui khaw tana cheng nuai 2.5 senga Dumping Ground siamna tur Work Order chu VWSC kutah hlan niin faina kawnga hmalakna turin pawisafai an hlan bawk.