Central Library tlawhtu tam

Sawrkar kum liamta 2023-2024 chhung khan Aizawl-a Mizoram State Central Library tlawhtu mi 6110 an awm.  Mizoram State Central Library tlawhtu zingah hian zirlai 3048 awmin an tam ber a, General Visitor 2981 awmin, Research Scholar tlawhtu mi 81 an awm bawk a ni. Doordarshan palai zawhna chhangin State Librarian Zirsangzuali chuan tun dinhmunah lehkhabu 71,833 a awm thu leh heng lehkhabu zingah hian naupang lehkhabu 5807 leh Hindi lehkhabu 17,427 a awm tih a sawi bawk a. Thalai in an tlawh nasat thute, naupang lehkhabu thahnem tak nei mahse naupang lam tlawhtu an tam vak loh thute sawiin, kumtin State Library tlawhtu hi an pun chhoh thu a sawi tel bawk. Mizoram State Central Library-ah hian member inziaklut 9041 awmin, puitling 7697 leh naupang 1344 te an ni.