Leisekawt Mual zauhna tura ram lak tur en ho

Serchhip P&E Veng Leisekawt Mual bula RD ram Vantlang tana sahthlak tur chungchang chu nimin khan a hmunah enfiah a ni.
Serchhip khua in 2020-a KTP General Conference a thlen dawn tum khan Serchhip P&E Veng-a Rural Development Department ram chu Leisekawt Mual zauhna atan hian laih niin helai hmuna RD Department Quarters te pawh thiatin hmundang ah sak a ni a. He hna hi tunah hian 1st Phase thawh ni tawhin hun engemaw chen chawlhsan a ni tawh a ni. Hetihlai hian Bialtu MLA leh Chief Minister hmalakna in Leisekawt Mual zauhna tura ram lak chungchang hi sawrkar thar a din hnuah buaipui zui zel a ni a, ram lak tur hi tihfel thawkhat ni tawhin nimin khan RD Department-a Joint Secretary chu Serchhip-ah rawn kalin ram lak tur hi teh fel a ni a, a hmaa Department Quarters awmna thin, tuna laih zawl tak chu lak tur hian ruahman fel a nih tawh thu Department hotute chuan an sawi a ni.

Nimin-a helai hmun enfelna ah hian Ser-chhip P&E Veng VC leh Serchhip-a tlawmngai pawl hrang hrang hruaitute bakah ZPM Block hruaitute pawh an tel a. Khawtlang aiawha tel te chuan Leisekawt Mual laihzauh tur hi Phase hnih-a thawh tur nia sawiin, tunah hian Phase-I chauh thawh a la nih thu leh Phase-II ah hian tuna BDO Quarters awmna bula kawng chin chu laih zawl tur nia an ngaih thu RD Department Joint Secretary hnenah hian an lo thlen thung a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar