Bike chesual-ah Serchhip tlangval 2 an thi

Nimin tlai-a Chhiahtlang leh Chhingchhip inkar-a Bike chetsualna thleng ah Serchhip Chhim Veng tlangval pahnih chu an thi a, an ruang hi lumen a nih hnuah Vawiin hian a rual vuiliam an ni ang.
Thudawn danin vanduaina tawka boral te hi Lalvensanga (22) s/o Vanlalpeka leh Lalmuanzuala Sailo (20) S/o Lalvawnliana (L), Serchhip Chhim Veng te an ni a, heng tlangval pahnih te hi nimin (Pathianni) chawhnu Inkhawm ban khan Chhiahtlang leh Chhingchhip inkar-ah Bike khalh tura kalin hetah hian chesual palhin hliam na tak an tuar a, Serchhip damdawi In rawn panpui an nih hnuah an hliam tuar lovin an boral zui ta a ni. Heng mi pahnih te hi inchhung hnai, nu te unau niin vanduaina an tawh dan tak hi he thu buatsaih lai thleng hian hriatchian ala ni lo a, thudawnna pakhat chuan bike-a tlan-a inzuiin a hma zawka tlan chu kawngpui lai-ah a rawn inher thut a, hei hi a hnung zawka tlan hian su in a hnawl ta niin a sawi a, chetsualna ah hian an Bike pawh hi a chhe nasa in an Lu-ah hliam an tuar nia thudawn a ni a, mi tlawmngai ten Serchhip damdawi In rawn panpui nghal mah se chhan hman lohin an boral a, an ruang hi lumen a nih hnuah Vawiin hian Postmortem tura ruahman a ni.

Nimin tlai-a vanduaina tawka boral mi pahnih te hi inchhung hnai leh in thenawm hnai mai an nih avangin Vawiin chhun dar 12:00 hian Serchhip Chhim Veng Volleyball-ah vuina hun a ruala hman a ni ang. He vanduaina thlenna hmun hi nimin tlai vek khan Serchhip Police te chuan an thleng nghal a, thil tul hrang hrangte an buaipui nghal bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar