LADC sawrkar lalut dawn

Lai Autonomous District Council (LADC) ah thla hnih chuang zet sawrkar a kal mumal theih loh hnuah Vawiin hian South Lungpher bialtu MDC C. Lalmuanthanga kaihhruai United Legislature Party (ULP) sawrkar thar lakluh a ni dawn ta a, Lawngtlai Bawrhsap, Cheemala Siva Gopal Redd chuan CEM thar atan C. Lalmuanthanga hi a lalut dawn a ni. LADC-ah hian hun engemaw chen sawrkar siam thei an awm loh hnuah Congress MDC pakhat leh MNF MDC 12 te chuan sawrkar hi an siam dawn a, Congress MDC hi CEM tura ruahman niin tun thla ni 20 khian he sawrkar fiahna hi neih nghal a ni ang.