Latest News

Chakma \henkhat ten zirlaite an tibuai nia sawi chungchangah zirlai pawl ten inbiakna an nei

September ni 26-a Chawngte Higher Secondary School zirlaite Sport lai Chakma \halai \henkhatinan tibuai nia sawi vanga buaina awm mek chungchang chu nimin khan Mizo Students' Union, Chakma Autonomous District Council leh Chakma Zirlai pawl hruaitute chu Lawngtlai West bialtu MLA, C. Ngunlianchunga hovin an \hukhawm.

He \hutkhawm kaihruaitu Minister of State, C. Ngunlianchunga chuan, Chakma leh MSU inkara inhriatthiam lohna thleng mek lo irhchhuah dan chu thil hote nia a lan thu leh thil kal dan fuh tawk loh vanga boruak lo lian chho ta mai nia angaih thu a sawi a. He thil thleng chungchangah hian Mizo zirlaite chu an thinrim hle chunga an hruaituten puitling taka buaina an hmachhawn leh Chakma House-ah kalchilh a, kawng hial an zawh chunga boruak duhawm lo lian tham a thleng zui lo chu lawmawm a tih thu leh tunhnu zelah ralkhata thil thleng reng reng chu finfiah a nih hma chu umzui chiam ni \hin lo se \haa a hriat thu a sawi. C. Ngunlianchunga chuan, Chakma thawh phawt chu huat vek tur ang deuha inzirtirna ang chi chu \ha lo a tih thu sawiin, dan lova Bangladesh a\anga lo pem lutte chu tu mahin an duh lova, hetiang ni lo Mizorama awm nghe ang chi chu \hiana siam thiam zawk a pawimawh nia a hriat thu a sawi bawk.
He hunah hian Tuichawng bialtu MLA, Dr. BD Chakma pawh telin Chakma chungchangah Social Media-a thu dik tawk lo vawrhdarh a ni \hin chuan buaina a tipunlun \hin nia a ngaih thu a sawi a. Tunhnaia Chakma leh Mizo zirlaite inkara buaina chingfel tura inbiakna kalpui a ni chu \ha a tih thu sawiin, hetiang inbiakna hi buaina chhuah \um chauh ni lovin kum khatah \um 2/3 vel buatsaih ni \hin se a duh thu a sawi bawk.
MSU President, RB. Lalmalsawma chuan, 'Chakma-te chu Mizoram-ah mikhual angin an inngai reng em?' tih leh 'Mizoram \hen hrang turin hma an la reng em?' tih chu a zawhna a nih thu a sawi a. Tunhma a\ang tawhin Chakma leh Mizo-te inkarah buaina a chhuak fova, heng ah te hian hnam anga hmalak a nih ngai loh thu sawiin, tunhnaia zirlaite meuh chunga kutthlak a ni chu an hrethiam lo hle niin a sawi.
RB. Lalmalsawma chuan, Chakma-te chu a pawng a puiin an haw ngawt lo tih sawiin, an en hrang hek lo tih a sawi a, hetih rual hian tun \um chauh ni lo, buaina dang a chhuah nikhuaah pawh Chakma-te chuan ram neitu Mizo-te chungah ngaihdam dil a hneh a, a leikuai thei ang bera Sorkar laipuia zualko an ching chu \ha lo a tih thu a sawi a. Mizoram teit> zawng leh \henhrang zawnga hmala an awm a nih chuan a hum him turin a theih ang angin hma an la ang tih chu a ngaihdan a nih thu a sawi bawk.
He inbiaknaah hian MSU General Headquarters, Aizawl City College Joint Students' Union hruaitute, Chakma Autonomous District Council-a MDC pahnih, Chakma House Liaison Officer leh Asst. Liaison Officer leh Mizoram Chakma Students' Union hruaitute an tel a. Meeting-ah hian Resolution siamin September ni 26-a Chawngte Higher Secondary School zirlaite Sport lai Chakma \halai \hen-khatin an tihbuai nghawng kal zela buaina chhuak chu \ha lo an tih thu leh a mawhphurtute an dem thu te, hetiang thil hi tun hnuah thleng tawh lo se, a lo thleng palh a nih pawhin Social Media-ah a tipunlun zawnga thu thehdarh a nih loh nan hmalak nise, he buainaa mawhphurtu leh zirlai hruaitute kutthlaktute chu darkar 24 chhunga zawng chhuak a, hremna pe tur leh kut tuarte chu zir chian a, chhawmdawlna pek an ngai a nih chuan a \ul anga chhawmdawlna pek nise an ti a. Bangladesh a\anga dan lova Chakma lo lut \hin te zawn chhuah kawngah hmalak ho \hin se an tih bakah he buaina thleng avanga MSU leh ACCJSU-in Aizawl Hunthar Veng-a Chakma House-a mikhual thlen rih loh ni se an tih chu tihtawp an remti bawk.

Comments

Popular News (Last 30 Days)