Kumin chhungin Mizoram-ah In kang 16 a awm tawh

Kumin January atanga March thla tawp thleng khan Mizoram-ah In kang 16 awmin kangmei vangin mi pahnih in nunna an chan.

Fire & Emergency Services-in a chhinchhiah danin chuan kumin kumtir thla thum (3) chhung khan Mizoram-ah In kang 16 leh ramkang tum 33 a thleng hman a. Kangmei vanga thi pahnih awmin hliam an awm lo thung a, kangmei-in thil a tihchhiat hlut zawng hi Rs. 670,80,332/- niin bungraw chhe tur chhanchhuah zat chu Rs. 603,77,000/- a ni. 

Chhinchhiahna atanga a lan danin kum 2018 khan Mizoram-ah In kang 37 leh ramkang 56 awmin kangmei vanga hliam 14 an awm a, kangmei in thil a tihchhiat hlut zawng chu Rs. 924,33,637/- a ni a. Kum 2019 khan In kang 28 leh ramkang 16 awmin kangmei vanga thi pathum leh hliam pasarih an awm a, kangmei thil tihchhiat hlut zawng hi Rs. 139,15,930/- a tling a. Kum 2020 khan In kang 37 leh ramkang 131 awmin kangmei vanga hliam pahnih an awm a, kangmei thil tihchhiat hlut zawng hi Rs. 522,79,768/- a tling a ni.

Comments

Popular News (Last 30 Days)

LPG man bithliah thar