Tlawng-ah tui tlahniam

Aizawl khawpui tui tlan Tlawng lui chu kum 5 chhungin Thal laia Tui tam zawng a tlahniam nasa hle. Tlawng lui-a Tui tam zawng hi PHE Department hnuaia Aizawl Water Transmission Division chuan kum 2019 atang khan an chhin-chhiah a, Thal laia teh thin niin kum 2019 January-April thla chhung leh kumin-a Tlawng lui a tui tam zawng khaikhinin a tlakhniamna hi za zela 30 vel a ni. Kum 2019 khan an tehkhawng, Million Litres per Day (MLD)-ah Tlawng luia kumtir thla li chhunga tui tam zawng hi chawhrualin 149.64 a ni a. Kum 2020 leh 2021-ah tlahniamin kum 2020 ah chawhrualin 138.92 leh kum 2021-ah 118.12 a ni a. Kum 2022 khan tam hretin chawh-rualin 166.373 MLD a ni a. Kum 2023 khan chawhrualin January-April thla chhung hian 108.23 MLD a ni leh a, kuminah Unit khat bawr vela tlahniam in 107.52 MLD vel a nih thu PHE Department chhinchhiahna ah hian tarlan a ni.