Serchhip-ah Boxing Championship khelh tan a ni

/
Mizoram State Boxing Championship vawi 39-na chu nimin khan Serchhip Boxing Hall ah neih \an a ni a, Mizoram hmun hrang hrang a\angin Boxer 136 zet an tel a ni.

Mizoram Boxing Association (MIZBA) leh Serchhip District Boxing Association (SEDBA) buatsaih Mizoram State Boxing Championship hawnna inkhawm nimin tlai-a neih ah Sr. Advocate, C. Lalramzauva chuan Khual-lian niin he Championship hi a hawng a. Khuallian chuan Boxing hmangin Mizote chuan khawvel huap-a inelnah lawmman te pawh an lo dawn tawh thu sawiin, heng hlawhtlinna hmuh a nih theih nana hruaitute hmalakna chu lawm-awm a tih thu a sawi a, he an hmalakna avang hian lawmman \ha zawk leh hlawhtlinna nasa zawk an la hmuh ngei a beisei thu a sawi bawk.
Mizoram State Boxing Championship hawnna hun hi Serchhip District Boxing Association President, C. Biakchhawna chuan kai-hruaiin Sr. Vice President, Kapliana Pachuau chuan infiammi leh Official lo kal te lawmna thu a sawi a. SEDBA Secretary, David Laldin-tluanga chuan he Boxing Championship an dawn tur atana inbuatsaihna tlangpui sawiin, Mizoram Boxing Association Vice President, F. Lalnienga pawhin thu a sawi bawk a ni.
Mizoram State Boxing Championship vawi 39-na ah hian Category 6- Sub-Junior (Boys and Gilrs), Junior (Boys and Girls) leh Senior (Men and Women)-ah inelna neih a ni dawn a, heng Category hrang hrangah hian Weight Category 39 awm lehin an vaiin Boxer 136 an tel dawn a, nimin chawhma lam khan heng Boxer te Weight hi lak an ni. Tun \uma Boxer rawn tel te hi Serchhip a\angin 69, Lunglei a\angin Boxer 22, Aizawl a\angin Boxer 20, SAI, Aizawl a\angin Boxer 13, Siaha a\angin Boxer 10 leh Kolasib District a\angin Boxer 6 an ni.
Nimin a \an tak Mizoram State Boxing Championship hi TT Vision chuan live in a pechhuak \hin dawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »