Serchhip-ah World Mental Health Day hmang

/
Nimin khan khawvel hmundangte rualin Serchhip Hmar Veng-a Observation Home-ah World Mental Health Day pualin hun hman a ni.
Serchhip District Mental Health leh Light for Comprehensive Development (LiFCoDe) buat saih World Mental Health Day puala inkhawm hi Anita Vanlalnummawii, Counselor, Observation Home chuan kaihruaiin Dr. K. Lallawmzuala, MO, District Mental Health chuan Mental Health chungchang leh kumin a he Ni thupui atana thlan 'Mental Health in the Work Place' tih thupui hmangin thu a sawi a. Dr. K. Lallawmzuala chuan mi chi hrang hrang leh Home-a thawk te pawhin kan hnathawhna hmun \heuh ah rilru hrisel kan neih a \ul thu sawiin, he Home-a enkawl mek te pawh an chhuah hnuah boruak dang, Home chhung anga inenkawlna ni tawhlo ah an cheng leh dawn tih a sawi a, chung hunah pawh chuan Home chhunga rilru \ha tak leh fel tak an put chu pu chhunzawm zel turin a chah bawk.
He hunah hian Observation Home-a Superintendent, C. Vanlalveni pawhin thu sawiin Mental Health lama thawktu ten an Home ngai pawimawha hetiang hun an hman chilh chu lawmawm a tih thu a sawi bawk.
World Mental Health Day hi kum 1992 a\angin kumtin 10th Oct. ah hman \hin a ni a, kumin thupui atan 'Mental Health in the Work place' tih chu thlan a ni a, he Ni puala Serchhip-a hun hmanna ah hian District Mental Health-a thawk te leh LiFCoDE aiawh bakah Observation Home-a thawktu mi 15 te an tel a. Naupang te nen inkawmhona an nei nghal bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »