Thenzawl-a Gas Godown rawktu nia hriat te man nghal

Thenzawl-a Grace Indane Gramin Vitrak Godown rawktu nia hriat te chu Police ten manin Gas bur an rukchhuak nia hriat te pawh hmuhlet vek a ni.
Thudawn danin Grace Indane Gramin Vitrak, Thenzawl-a Manager Lalrinkima chuan niminpiah khan Thenzawl Police Station-ah FIR thehlutin April 6, 2024 leh May 12, 2024 inkar khan mi tu tih hriat loh ten an Gas Godown chu rawkin Gas bur ruak 25 rukbo a nih thu a tarlang a. Hemi chungchang hi Thenzawl Police te chuan chhui zui nghalin FIR an dawn ni hian Gas Godown rawktu ni ngeia hriat mi 4- Lalmuanzuala (32), Vengthar,Thenzawl; Henry Zothansanga (20), Venghlun,Thenzawl; Benjamin Zosangliana (21), Khawlailung Bunghmun Veng leh Lalramthara (41), Electric Veng Thenzawl nia insawi te chu an man nghal a, thubuai siam sak nghal an ni.

Hemi chungchang Police ten an chhui zui zelna ah Gas bur lo leitu nia hriat Gospel Lal-ruatfela (30), Venghlun, Thenzawl leh Lalbiakhluni (61), Venghlun, Thenzawl te pawh Police te hian manin thubuai siam sak nghal an ni bawk a, heng mi 6 te hi nimin khan Serchhip District Court-ah hruai nghal niin Gas bur an rukchhuah te pawh hi darkar 24 chhungin an hmulet nghal vek a ni.

Comments

Popular News (Last 30 Days)

Vawiin-ah HSSLC Exam result