NITI Aayog Vice Chairman in Minister te a kawm

Chief Minister, Lal Thanhawla leh NITI Aayog Vice Chairman, Dr. Rajiv Kumar te chu nimin tlai khan Aizawl-a Chief Minister Bangla ah inkawmin hemi hnu hian Minister te leh sorkar mi pawimawhte Chief Minister's Conference Hall-ah an kawm nghal bawk.

NITI Aayog Vice Chairman, Dr. Rajiv Kumar nena an inkawmna ah hian Chief Minister chuan tunhnaiah Central Sorkar hotulian ber ber ten hmarchhak state an rawn tlawh ngun ta chu thil lawm awm tak a ni tih sawiin, Mizoram mipui ten hunrei tak chhung enhran nia kan inhriatna pawh a reh \an tih a sawi a, State hmalakna thuamchak turin Central sorkarah state mipui ten beiseina sang tak an nei mek a ni, a ti

Chief Minister chuan Mizoram-a miharsa zawk te chawikang tura NLUP kalpui a nih dan leh NEDP hmanga NLUP hmalakna te sawhngheh chhoh tum a nih dan te NITI Aayog Vice Chairman hi a hrilh a. Boder Trade chungchang, kawngpui siam, Rel kawng laih, KMMTP, Solar Power Project, Food Processing, Skill Development, Entrepreneur Development, Oil and Natural Gas Exploration leh Power Project a hmalakna te sawichhuakin, NITI Aayog chu state hmalakna a puitu atan a sawm bawk.

He hunah hian NITI Aayog Vice Chairman, Dr. Rajiv Kumar chuan Prime Minister in India hmarchhak bial a ngaih pawimawh thu sawiin, Chief Minister chu Delhi-a zin tura sawmin, Ministry dawr a \ul pawhin a kalpui tur thu a sawi a; Tuialhthei zawn kawngah leh Skill Development kaltlanga hmalakna bawhzuina ah Petroleum Ministry pawh dawr pui a inhuam tih a sawi a. Mizoram in JICA nen thawhhona \ha tak an nei chu lawmawm a tih thu sawiin, Japan Organisation tho, JETRO leh JBIG pawh thawhpui se Mizoram in a hlawkpui zual dawn niin a sawi a. Chumi atan chuan kawng dappui a inhuam thu sawiin, NITI Aayog chu Mizoram leh hmarchhak bial tan 'Development Partner' a ni, a ti a. Chief Minister in Central sorkar a Mizoram sorkar ruahmanna thehluh tawh, la tangkhang mek a sawilan te pawh Mizoram in sorkar lehkha a thawn thlak hunah lo bawhzui a ni ang a ti bawk.

Minister leh Official te Chief Minister nen an kawmna ah Dr. Rajiv Kumar chuan Mizoram chu inthlunzawmna \ha - kawngpui, boruak leh digital-ah \ang se a duh tih a sawi a. Private Investor sawmluh dan kawng dap leh ngaihtuah chu Mizoram hmasawnna a nih tur thu sawiin, UD&PA Minister rawtna - Mobile leh Telephone hruipui-OFC Cable te Electric Hruipui ban ah te thlun ve leh leihnuaia phum loh rawtna chu rawtna \ha tak leh bawhzui nghal chi a nih thu a sawi a. Leimin leh kawng laihchhiat a tih tlem dawn avang leh senso a hautak loh zawk dawn avangin tlangram ah chuan tih vek theih ni se a tha zawka a rin thu a sawi bawk.