Latest News

Talent Hunt buatsaih a ni

District Child Protection Unit (DCPU) Serchhip buatsaihin nimin khan Govt. High School Serchhip-a zirlai naupang kum 10 a\anga kum 16 chin te tan an theihna leh thiamna te haichhuahna hun, Talent Hunt buatsaih a ni.
Social Welfare Department hnuaia Mizoram Bal Bhavan Society in ruahmanna a siam angin National Children’s Day hman tur inbuatsaihna atan Talent Hunt hi an buatsaih a. He huna tel tur hian zirlai 70 ten hming pelutin zirlai 64 an tel thei a, heng zirlai te hian intihsiakna chi 4-a inelna neiin Creative Writing leh Creative Art-ah zirlai 21 ve ve telin Creative Performance-ah zirlai 18 bakah Creative Scientific Innovation-ah zirlai 4 an tel a ni.
Creative Art hnuaiah hian Painting, Craft leh Sculpture-ah te intihsiakna neih niin Creative Performance hnuaiah hian Instrumental Music leh Solo-ah te intihsiakna neih a ni a. Creative Writing-ah hian Poem leh Story-ah te inelna neiin Creative Scientific Innovation-ah hian Model Making Science, Project in Science, Problem Solving in Science leh Innovation in Science-ah te inelna neih leh a ni a, he intihsiakna a ti\ha te hnenah hian thla thar Nov. 14-a Children’s Day lawmna ah lawmman sem a ni dawn a. Stream hrang hranga ti\ha ber te chu December 13 leh 14-a Aizawl-a State Level intihsiakna neih turah an tel leh dawn a ni.

Comments

Popular News (Last 30 Days)