In luah theihin peihfel ta

Tun Pathianni zing-a kangmei vanga chenna In chan, Lalchawimawia te chenna In chu nimin khan luah theih tura peihfel a ni ta.

Pathianni zing-a kangmei vanga chenna In chan, Lalchawi-mawia, Serchhip Chanmari Veng ami te chenna In hi tunkar Thawhlehni leh Nilaini-ah khawtlang huap hnatlang neia sak niin a nikhatna ah hian mi 200 chuang thawkchhuakin niminpiah khan mi 100 vel zet an thawk leh a, kangmei tuar te chenna tur In hi Assam Type in a dung ft. 24 leh a vang ft. 12-a zau-a sak niin nimin khan khawtlang huapa hnatlang hi nei tawh lovin mi tlawmngai \henkhat ten an pui thung a, Serchhip District Medical Superintendent, Dr. ZD. Lalmuanawma hovin DMS Office-a thawk mi 7 te leh mi tlawm-ngai \henkhat ten Vawiin khan an Tukverh leh kawngkapui te vuahin nimin tlai khan luahluh theih tura peihfel beisei a ni ta a ni.

He In sakna atan hian sorkar a\anga \anpuina awm thei ang ang te ngaihtuah a nih bakah Serchhip-VII Village Council huam-chhungah Vehbur khawn a ni bawk a, In chung tur Rangva hi bialtu MLA, Chief Minister, Lal Thanhawla chuan tum sakin ni hnih chhung khawtlang huap hnatlang neih a nih chhung hian Presbyterian English School, Serchhip-a zirlaite chu thingpui lum turin an thawkchhuak bawk a ni.