Nu te ni hman a ni

May thla Pathianni vawi 2-na a hman thin ‘Nute Ni’ (Mothers’ Day) chu nimin khan hmun hrang hrangah hmangin Nute hriatrengna leh chawi-mawina hun atan hman a ni a, Salvation Army chuan kum 1920 atang khan he ni hi urhsun taka hmangin Nu mual liamta te sûnna hun an hman bakah Nu te hnenah pangpar an hlan bawk a ni. May ni 8, 1914 khan USA President, Woodrow Wilson-a chuan Nute Ni hi rampuma hman a nih tur thu a lo chhuah tawh a, Kum 1920 khan Salvation Army rorelna sang chuan an Kohhran tan he ni hi ‘High Day’ ah a puang bawk a ni.