Green Energy Open Charges Regulation 2024 siam

Joint Electricity Regulatory Commission (JERC) for Manipur leh Mizoram chuan tunhnai khan ramchhunga kawlphetha tharchhuah hmasawn theihna tur Green Energy Open Charges Regulation 2024 thar a siam.

Sawrkar laipui hmalakna hnuaia he regulation thar hi Consumer ten awlsam zawka kawlphetha an lei theihna tur atana duan a ni a, Solar Energy chu uar zawka hman tum niin tangkai taka mipui ten an hman theih nan hemi kawnga hmasawnna tur atana duan a ni. JERC for Manipur and Mizoram hotute sawi danin boruak chhia pechhuak loa boruak thianghlim tak zawk pekchhuah anih theih nan sawrkar laipui chuan he ruahmanna hi a duang a, Solar tharchhuah tipung a ramchhunga kawlphetha intodelh taka awm tir an tum tih sawiin, kum 2030-ah India chu eng chhit tur intodelh tir an tum tih an sawi a, tihnun thar leh hman nawn theih (renewable) lam hawia hmalakna lian zawk a awm theih nan Green Energy Open Charges Regulation 2024 thar an siam tih an sawi bawk.

JERC hotute chuan tun dinhmunah Megawatt 20 pe hhuak thei Vankal Solar Plant bakah North Vanlaiphai-ah Megawatt 20 pechhuak thei tho chu buaipui mek a nih thu an sawi a, Power Purchase Agreement chu Mizoram sawrkar lamin an lo thehlut tha leh dawn tih sawiin, hmalakna kalpui mek a ni, an ti bawk.