Supply Minister-ah thlen

Central YMA Social Audit Committee chuan niminpiah khan Food, Civil Suply & Consumer Affairs Minister B. Lalchhanzova chu a Office-ah kawmin sawrkar laipuiin mipui hmasawn nan leh hamthat nana ruahmanna a siam te a nih dan tur ang takin kalpui a ni em tih an sawipui a. Central YMA Inkhawmpui lian thurel ‘Social Audit chak zawka kalpui a nih theih nan leh mipui in an hlawkpui theih nan hmalak ni rawh se’ tih bawhzui tura din, Social Audit Committee hi an Chairman leh Central YMA Treasurer Roneihthanga’n a hova. Mizorama Central Scheme hrang hrangte a nih dan tur ang takin kalpui a ni em tih te, a chhawrtu tur ten an chanvo dik tak an dawng em tih te leh hnathawh endik kawnga sawrkar thawhpui dan tur ruahmanna an siam te Minister hi an sawipui a. Heng bakah hian National Food Security Act hnuaia Retailer-te’n buhfai leh thil dang an sem te dik taka kalpui a nih theih nan sawrkar thawhpui turin Central YMA chu a inhuam thu Minister hnenah hian an thlen a ni.