India ram-a dan lo-a lo pemluh duhlohna lantirin ‘Demonstration Against Illegal Immigration in India’ neih a ni

Delhi Mizo Zirlai Pawl (DMZP) leh Central Young Mizo Association (CYMA) buatsaihin Inrinni tlai khan New Delhi-a Mizoram House, Vasant Vihar-ah ‘Nation-Wide Demonstration against Illegal Immigration in India’ neih a ni a, he Demonstration hi Mizoram-ah leh India ram khawpui hrang hrangah pawh thlawpna lantir a ni.

New Delhi Mizoram House-a ‘Nation-Wide Demonstration against Illegal Immigration in India’ neih ah hian Mizoram Rajya Sabha MP, Ronald Sapa Tlau, Central Young Mizo Association President Vanlalruata, Prof. Joy Pachuau (Jawaharlal Nehru University), Senior Advocate (Supreme Court) Upamanyu Hazarika, Adviser to Arunachal Pradesh Students’ Union Delhi (ASUD) Romjir Rakshap, Mizo Student Union President R.B Lalmalsawma ten mipui kalkhawm hma ah thu sawiin Dan lova Mizoram-a rawn lut te avanga harsatna awm leh hmalak dan tur te an sawi a. He hunah hian Delhi-a Mizote bakah North-East state hrang hrang a\angin mi engemaw zat an tel a. He huna kalkhawm te hian Resolution pasarih (7) chu lungrual takin an pass nghal bawk a ni.

New Delhi-a he hun hman thlawpna lantir hian Inrinni khan Joint NGOs’ Co-ordination Committee chuan Vanapa Hall kawt-ah hun an hmang ve bawk a, he hun MSU Asst. General Secretary Vanlalliana Khiangte kaihhruaia neih ah hian Central YMA General Secretary, Lalhmachhuana chuan, ‘Foreigner is a Foreigner’ tih chu India Sorkar leh Tlawmngai pawl, Mizoram te dinna reng a ni tih sawiin, Foreigner lo lut ru te chunga Dan anga Rorel tur “Foreigner Tribunal” Mizoram Sorkarin kan neih a hun tawh a, Foreigner dapchhuah kawnga hmala tur din vek tura Central-in State Sorkar kum 2009-a a beisei tawh chu, bawhzui \ulin, dan lo a Bangladesh a\anga lo lut te chunga Dan in ro a rel theih na tur hian Mizo Mipui zawng zawng kan \an rual a \ul a ni, a ti.

He hunah hian MSU Adviser, PC. Lalrinhlua pawhin thu sawiin, Mizoram-ah hian Dan lo-a din khua 44 a awm mek a, heng khua hi Mizoram chhim lama Dan lo a rawn lut Chakma te chenna niin, heng khuate hi \hiat-a Dan lova rawn lut Bangladesh mite hi thawnlet turin Mizoram Sorkar an phut thu a sawi. Kan Politician-ten Dan lo-a rawn lut Chakma Vote an duh vanga Mizo mipuite duh dan nilo a, duhsakna an hlan \hin chu pawi an tih thu sawiin, “Chakma kaih-hnawih bial pathuma tlin nge an duh, a Ram mipui te chenkhawmna bial 37 a tlin? tih kan zawt a ni,” a ti bawk.

MZP General Hqrs. President, L. Ram-dinliana Renthlei pawhin he hunah hian Khawvel a Hnam tin hian mahni Ram leh Hnam humhalh an tum \heuh tih sawiin, Ram leh Hnam humhalh an tum dan pawimawh Pakhat chu Dan lovin an ram ah Foreigner duh duh in an lut ang tih hlauin theihtawp an chhuah \hin a, a lut an lo awm a nih pawhin zawnchhuah a kirtir an tum \hin tih a sawi a. “Bangladesh a\anga dan lova lo lut an awm a, an pung chak hle leh Ram neitu nih tuma an che ta mai leh kan chanvo min chuh ngam ta hial mai hi Mizo \halai te’n na kan ti hle a, kan Ram leh Hnam humhalh nan theihtawp i chhuah ang u,” a ti a. Kan Ram a\anga Foreigner thawnkir tur hian Zofa zawng zawngte kan \anrual angaih thu leh Politics-a kan ngaih dan inan lohna hian kan kal dan min ti danglam lo se, Kohhran thurin inanloh na hian min tibuai lo se, Hnam anga kan kal thiam a pawimawh a ni, a ti bawk.

Central YMA President kalchhuak ta, pawhin thu sawiin, YMA General Conference 2017 in Chakma Autonomous District Council (CADC) Dan lo din, Dan anga \hiah a nih theih nana hmalak a rel ah hian kan Unau Lai leh Mara-te a huam lo tih sawiin, “Kan Unaute te chu kan hrechiang a ni,” a ti bawk.