Ramchhung hmundangte rualin Serchhip-ah 'Children's Day' urhsun taka hman a ni

Naupangte Ni, 'Children's Day' chu nimin khan ramchhung hmun hrang hrangah hman a ni a, Serchhip-ah pawh District Child Protection Unit (DCPU) huaihawtin he Ni hi urhsun taka hman a ni.

Nimin a 'Children's Day' puala Serchhip DC's Conference Hall-a hun hman hi Serchhip District Bawrhsap, Sangchhin Chinzah chuan khuallian nia hmanpuiin Bawrhsap chuan Naupangte Ni chu India Prime Minister hmasa ber, Jawaharlal Nehru pianchamphaphak ah hman a nih thu leh Pu Nehru-a chuan naupang zawng zawngte lawmin naupangte pawhin an ngainat thu a sawi a. Hei vang hian 'Chacha Nehru' (Uncle Nehru) tia koh hial a nih thu a sawi.

Bawrhsap chuan Kristian kan nih thu leh kan Bible-ah pawh Lal Isua'n naupangte a hnar loh thu leh a hnena hruai zawk tura a tihna bakah an lu chungah kut nghata mal a sawm zawk thu te pawh hmuh tur a awm thu a sawi a. Naupangte chu lo la \hanglian zel tur an nih thu leh kan ram leh hnam la hruaitu tur an ni thei tih in hre turin a chah a. Mihring te chu Pathian in thiamthil chi hrang hrang, inanglo min pek thu sawiin, heng te hi tipung zel tur kan nih thu a sawi a, heng Pathian min pek malsawmna hrang hrangte vawngnunga tipung thiam apiang chu mi vanneih an nih thu sawiin, chutianga mi vanneih ni tur chuan taihmakna leh thuawihna a pawimawh thu a sawi a. Naupangte chu an thil tihna kawng hrang hrangah theihtawp chhuaha taima tak leh rinawm taka an tih chuan an la hlawhtling ngei ang tih a sawi bawk.

Nimin a Children's Day puala inkhawm hi District Child Protection Unit-a DCPO, Lalsiampuii chuan kaihruaiin Serchhip-a District Child Protection Unit a din tirh a\angin Children's Day hi hman a nih thu a sawi a. Kumin hian he Ni pual hian Oct. 26 leh 27-ah Zirlai naupangte tan an thiam-thil hrang hrang phochhuahna turin intihsiakna an lo buatsaih tawh thu sawiin, a ti\hate hnenah hian lawmman sem a ni a. He hunah hian zirlai leh Home a awm naupang \hahnem tak an tel a ni.