Mi tlawmngai te sum thawhkhawm atanga lei Serchhip damdawi In-a hman tur khawl hlan a ni

Serchhip-a mi tlawmngai \henkhat te sum leh pai thawhkhawm a\anga lei, Serchhip damdawi In-a inzaina atana hman tur Monitor thar chu nimin khan damdawi In thuneitute kutah hlan a ni.

JN Hospital Serchhip-a inzaina atana hmanraw mamawh, Monitor hi sorkar a\anga dawn a nih loh avangin Doctor ten harsatna an tawk a. Hei vang hian Serchhip-a Whatsapp Group pakhat, ‘Thupui Sawihona’ chuan sum leh pai thawhkhawmin he Monitor leina tur hi an tuak a, Group Member bakah mi \hahnemngai tak tak ten sum hi thawhkhawmin Monitor hi an lei hnuah nimin khan damdawi In thuneitute kutah hian an hlan ta a ni. He Monitor hlanna puala inkhawm tawi, Serchhip CMO Conference Hall-a neih chu V. Malsawma, Serchhip chuan kaihruaiin Lalbiakdika chuan report a pe a, he khawl leina atan hian mi 145 ten sum leh pai thawhkhawmin Rs. 1,48,550/- hmuh a ni a, heta \ang hian Rs. 95,000/- man khawl chu leiin tunah hian Rs. 53,498/- hmanbang ala awm a, he sum la awm hi \angkai taka hman dan an la zawn tur thu a sawi bawk.

Heng hmanraw lei thar te hi a thawhkhawmtute a\angin Vanlalremi Ralte chuan Serchhip CMO, Dr. Laldawngliana Sailo leh District Medical Superintendent, Dr. ZD. Lalmuanawma te kutah a hlan a, he hunah hian Dr. ZD. Lalmuanawma, DMS chuan he khawl an mamawh dan leh an hman dan tlangpui te sawiin, hetianga an mamawh hmanrua mi tlawmngai ten an hlan chu lawmawm a tih thu a sawi a. Dr. Christopher L. Hmar pawhin he khawl hman dan kimchang a sawifiah nghal bawk. He Whatsapp Group enkawltute chuan an hmalakna hi tumahin politics-a ham\hatna leh hming\hat lak tumna atan lo hmang lo se an duh thu an sawi bawk.