April 2024-ah Zu leh a kaihhnawih man tam

Thla kalta April 2024 chhung khan Mizoram-ah Rakzu litre 8283.075 zet man niin zurui mi 67 man an ni bawk.

Mizoram-a Zu khapna dan, Mizoram Liquor (Prohibition) Act, 2019 hnuaiah April 2024 chhung khan Excise & Narcotics Department leh Mizoram Police te chuan Zu zuar mi 533 man niin Zurui mi 67 an man a, Rakzu Litre 8283.075 manin Zu bilhlai Tin 6638 an man bawk a, Dawidim kg. khat an man bawk a ni. April thla chhung khan Sapzu (IMFL) Um puitling 791 manin a Chanve um 403 leh Quarter um 560 an man a, Beer Um 24 leh Canned Beer 777 man bawkin Fruit Wine pawh litre 54996 an man a, BEDC litre 89.5 manin rampawn atanga lakluh Zu um 4, Beer um Canned Beer leh Canned Beer 85 an man bawk a ni. April thla chhung khan Zu sakna bel 57 manin lirthei 14 an man bawk a ni.

Thla kalta chhunga Mizoram-a Zu zuar man zinga 485 te hi END te man niin zurui mi 39 an man bawk a, Rakzu litre 5374.235 manin Zu bilhlai Tin 6638 manin IMFL Um puitling 468 leh a chanve um 403 manin a Quarter um 560 an man bawk a, beer um 12 manin Canned Beer 609 an man a, Fruit Wine litre 54996 an man bawk a. Thla kalta a Mizoram-a Zu leh a kaihhnawih rampawn atanga lakluh man te hi END te man vek a ni bawk.

Mizoram Police te chuan thla kalta chhung khan Zu zuar mi 48 manin Zurui mi 28 an man a, Rakzu litre 2908.84 manin Zu bilhlai Tin 960 an man a, IMFL um puitling 323 an man bawk. Heng bakah hian Beer um 12 leh Canned Beer 168 manin BEDC litre 56 an man bawk a ni.