Thenzawl Police ten Zu man

Thenzawl Police te leh Thenzawl Ruihhlo Do Squad tangkawp chuan nimin zing dar 8:30 vel khan Thenzawl Kanan Veng-ah Rakzu litre 750 zet an man a, neitu nia hriat Lalruatdiki, Thenzawl Bazar Veng nia insawi leh a buaipuitu nia hriat Malsawmkima, Thenzawl Kanan Veng nia insawi te pawh man nghal an ni a, MLP Act hnuaiah thubuai siam sak nghal an ni. Heng Rakzu an man te hi tualchhunga an hralhna anga chhutin Rs. 3,75,000 man vel nia chhut a ni a, heng Zu te leh mihring man te hi nimin khan Serchhip District Court-ah rawn hruai nghal an ni.

Thenzawl Police te hian Zu leh ruihhlo dona ah nasa takin hma an la mek a, hemi hmalam hian Zu bilhlai leh a siamna hmanrua engemaw zat manin an lo tichhe tawh bawk a ni.