Serchhip-a PWD ten khawpui chhung inkalpawhna kawngpui siamthat hna ngawrh takin an thawk mek

Serchhip-a PWD chuan Serchhip khawpui chhunga inkalpawhna kawng te siam\hat hna tunlai hian an thawk mek a, |hal chhungin a theih anga tam siam\hat hman an tum thu an sawi.

PWD Serchhip Division-a Executive Engineer, Er. Zothangsang Intoate hnen a\anga thu kan dawn danin PWD hian Serchhip khawpui chhung leh khawpui pawn lama an Division huamchhung hmun hrang hrangah inkalpawhna kawngpui chhia te siam\hat hna an thawk mek a, tunah hian Serchhip khawpui chhunga inkalpawhna kawngpui zingah Bazar a\anga Tuizemdum kawn thleng chu siamzawh ni tawhin nikum lama Auditorium panna kawng an lo siam tawh, ruahtui tla leh eng engemaw harsatna awm avanga zawhfel theihloh chu thawh chhunzawm leh a ni a, hei bakah hian Bazar a\anga Ramthlun Veng panna kawng chu siam\hat mek niin P&E Veng-a Mini Park leh DRDA Office inkar kawng chu siam mek a ni a, Serchhip Bazar Veng, Cooperative Society dawr a\anga Lalramliana Sailo In inkar pawh nimin a\ang khan siam\hat hna thawh \an a ni bawk.

PWD EE chuan kumin chhung hian sum an neih leh an hmuh ang ang te daihzai thei ang bera hmangin hnathawh an tum thu sawiin, harsatna dang a awm loh chuan thawh chhoh char char an tum thu a sawi a. Tuna sum an neih sa ang ang bakah NEDP hnuaiah sum dil belh leh a nih thu sawiin, amaherawh chu he sum hi an hmuh dawn leh hmuh dawnloh hriat ala nih loh thu a sawi a, He sum hi an hmu thei a nih chuan khawchhung kawng tam zawk siam\hat belh theih an beisei thu a sawi bawk.

PWD Serchhip Division hian Serchhip khawpui chhung bakah an huamchhunga khawdang ah te pawh kawngpui siam\hat hna hi an thawk bawk a, Chhingchhip, Bungtlang, Thingsulthliah, North Vanlaiphai leh Khawlailung-ah te pawh khawchhung kawng siam\hat hna hi thawh tura tih niin Kei\um leh Ar\ahkawn inkar-a kawng chhe zual pawh siam\hat tum a nih thu a sawi a. Heng bakah hian Biate leh East Lungdar inkar kawng chhia pawh Monsoon Damage Repair (DMR) ah sum dil mek a nih thu leh sum hi hmuh a nih chuan siam\hat tum a nih thu a sawi a. DMR hnuaiah hian cheng nuai 206 zet Proposal an siam thu leh hei hi an hmuh dawn leh hmuh dawnloh erawh a hriat loh thu sawiin, he an proposal siam zingah hian Zawlpui Phai Tuichar Lei bula lei tlahniam siam\hatna tur te pawh a tel thu a sawi bawk.