CBI in Mizo Carbon chung-chang an chhui dawn

Mizo Carbon Pvt. Ltd. in diklo taka Central Transport Subsidy sum tam tham tak a la \hin nia sawi chu CBI chhuitir turin Gauhati High Court, Mizoram Bench chuan nimin khan thupek a chhuah.

Mizo Carbon laka Social Activist, Van-ramchhuangi (Ruatfela Nu) in PIL a thehluh chu Gauhati High Court Mizoram Bench Judge, Justice MR Pathak-a’n a ngaihtuah a. PIL thehluttu hian ACB-in an chhui mek, Mizo Carbon-in Transport Subsidy chhuanlama Mizoram-a Lung-alhthei phurh luh nan cheng Vbc. 10 leh nuai 10 diklo taka an lak chungchang chu CBI kuta hlan a dil a. Judge-in PIL thehluttu leh sorkar Ukil-te thu a ngaihthlak hnuah niminpiah khan thutlukna siamin nimin khan thupek hi a siam a. Hetianga CBI-in Mizo Carbon an chhui dawn tak avang hian PIL pawh tihtawp nghal a nih thu High Court thuremna ah chuan tarlan a ni.

Hemi chungchangah hian MNF party chuan thuchhuah siamin, Mizo Carbon Pvt.Ltd. hmanga dik lo taka Transport Subsidy sum tam tham tak lak CBI chhuitir tura Chief Minister, Lal Thanhawla hnena ngenna an lo thehluh tawh \hin hnua High Court Mizoram Bench-in thutlukna a siam ta chu lawmawm an tih thu an tarlang a. An ngenna pakhat Loterry chungchanga sum chingpen CBI chhui teltir a la ni ve lo pawh CBI chhuitir ngei turin nawrzui zel an tum tih an thuchhuahah chuan an sawi bawk.