AMVCA ten kum 25 a liam hnu thlengin VC te thuneihna leh mawhphurhna sang pek an nilo tih an sawi

All Mizoram Village Council Association (AMVCA) chuan Mizoram-ah Village Council te chu kaihhruaina siam a ni chungin kum 25 ral hnu, tun thlengin VC thuneihna leh mawhphurhna sang pek a la ni lo tih an sawi a. Hei vang hian Mizoram-a VC te Chhiah (Tax) a lakkhawm ve \hin pawh kum khatah cheng nuai 30 pawh a tling theilo tih an sawi.

All Mizoram Village Council Association (AMVCA) hruaitute hian nimin khan Aizawl Press Club-ah thuthar thehdarhtute kawmin kum 1954 khan Mizo District Council in Village Council dinin tunhnuah VC kaihhruaina siam te a awm chungin Vawiin thlengin VC te thuneihna (Power) leh mawhphurhna sang pek a la awm lo tih an sawi a. India rampuma Thingtlang (Rural) lam Local Self Government chak leh hmasawnna thlen a nih theihnan Indian Constitution Danpui siam danglamin 73rd Amendment Act, 1992-ah khung a nih thu an sawi a. He Amendment Act hian VC te chu Thingtlang (Rural) lam rorelna kawngah thuneihna leh mawhphurhna sang a rawn pe a. Mizoram-ah chuan kum 25 ral hnu Vawiin thlengin Village lam rorelna kalphung thar chu mipui kutah pek a la ni lo a. Political Party tinin Election dawnah Democracy Grass Root Village Council rorelna \ha ngai pawimawhin Policy & Manifesto-ah dah mah se VC dinhmun chawikan lam hlamchhiah a ni leh \hin tih an sawi.

AMVCS hruaitute chuan Indian Constitution in State zawng zawng tana State Finance Commission din a phut angin, Mizoram State Finance Commission (MSFC) hmasa ber chu State kan niha kum 25 ralhnu, Sept. 30, 2011 khan Vanhela Pachuau Chairman na hnuaiah din a ni tih sawiin, “He Commission hian hunrei tak a\anga VC te dinhmun chhiatzia a hmuchiang a, rorelna \ha a awm theihnan Mizoram State sum leh pai lakluhna tur a ruahman a, a hmanralna tur ruahmanna a siam a. A bik takin Autonomous District Council, Municipal Council, Local Council leh Village Council te sum lakluhna tur leh hmasawnna tura chanvo tur ruahmanna \ha tak a siam a, hei hi kum 2015-2020 chhunga hman \an nghal turin a recommend a. Mizoram sorkar in a pawmpui a. Nimahsela, a taka kalpui a harsa viau si a, VC te dinhmun chu tun thlengin a \hatloh dan dinhmun ngaiah a la thu reng a ni,” an ti.

Mizoram State Finance Commission (MSFC) in Mizoram Village Council te thuneihna leh chanvo tur rawtna a siamah chuan Annual State Own Revenue a\anga 15% chu Local Bodies (ADC, VC, AMC) te chanvo tur a ni a. Hemi ang hian VC te tana 2017-2018 chhunga sum rua-hman turah cheng nuai 1410.10 anih laiin cheng nuai 680 chauh pek an ni tih sawiin, hei hian MSFC rawtna a \helh thu leh rawtna angin Sorkar hian a kalpui lo nasa tih an sawi a. Hei vang hian Mizoram Village Council tinah inenkawlna sum leh pai harsatna thlengin hmasawnna tura hmathar lak leh Central Schemes hrang hrang kalpui \hat a harsat phah hle tih an sawi bawk.

AMVCS hruaitute chuan tun dinhmun ah Village Council-a President te chu thlakhat ah lawmman Rs. 1000/-; Vice President te Rs. 800/-; Secretary te Rs. 600/- leh Member te Rs. 600/- bakah Tlangau te Rs. 450/- te pek an nih thu sawiin, Election chuh ve hrepa thlan-chhuah te lawmman atan pawh a beitham lutuk tih an sawi a. VC te lawmman chu Sorkar in rang taka enin, tunlai pawisa hlutna anga san chho turin an ngen thu leh State dangin an hman mek angin State Own Revenue a\anga VC te lawmman hi tun aia tam in ruahmann thuai nise an duh thu an sawi a. VC member ten vanduaina an tawh in Sorkar in luman a pek ngei theih nan a hranpa in Budget dah an duh thu an sawi bawk.

Mizoram-ah hian VC 757 a awm mek a, heng te hi Aizawl District-ah 91, Lunglei District-ah 138, Champhai District-ah 105, Serchhip District-ah 44, Kolasib District-ah 45, Mamit District-ah 85, Saiha District-ah 93, Lawngtlai District-ah 87 leh CADC-ah 69 te an ni.