Serchhip khawpui chhungah ZPM in beihpui thlak tumin an hruaitu thar te hlanna hun an hmang

Zoram People’s Movement (ZPM) Steering Committee Serchhip buatsaihin Inrinni khan SerchhipBazar-ah ZPM beihpui thlakna, Operation November khuhhawnna leh ZPM Serchhip hruaitu thar te hlanna hun hman a ni a. He hun hi Aizawl lam a\ang pawhin ZPM hruaitu rual \hahnem takin an rawn hmanpui a ni.

Zoram People’s Movement (ZPM) Steering Committee Serchhip in Serchhip khawpui chhung Veng hrang hranga ZPM Local Body din tura beihpui thlakna 'OPERATION NOVEMBER' khuhhawnna leh Serchhip ZPM hruaitu thar hlanna Vantlang inkhawm (Public Meeting) an buatsaih hi ZPM Serchhip Steering Committee Chairman, V. Rozamliana chuan kaihruaiin he hunah hian ZPM Serchhip-a Secretary, Kapliana Pachuau chuan inhmelhriattirna leh an hmalak tawh dan te a tarlang a. Kum 2018 MLA General Election lo awm tura Serchhip, Tuikum leh Hrangturzo Constituency-ah te ZPM in hnehna chang ngei tura hmalak an tum thu a sawi a ni. Hemi hnu hian ZPM General Hqrs. Chairman, Upa Lalliansawta chuan inlawmna thu sawiin, Rev. Dr. K. Thanzauva chuan ZPM Serchhip hruaitu thar te chu zawhna thuhmun zawta intiamna a neih tir hnuaha hlanna leh tirhchhuahna hun hmangin \awng\aina nen a hlan a ni.

He hunah hian ZPM General Secretary, K.Sapdanga chuan Serchhip Veng hrang hranga ZPM Local Body din tura beihpui thlakna 'OPERATION NOVEMBER' khuhhawnna hun a hmang bawk a. K. Sapdanga chuan “He ram Siamtu hian he ram tluchhe mek siam\ha tur hian mi a zawng mek a, Aizawl siam\ha tur chuan Aizawl pa an \ha ber a, Serchhip District siam\ha tur pawhin Serchhip District mi leh sa in \ha ber a ni” a ti a. Sum tel lovin roreltu \ha tak siam an tum thu sawiin, “Sorkar hnathawk leh neutral zawng zawngin min thlawp a, Zoram hun lo la kal lehzel turah min beisei a, kan hmalama Eng awm kan hmu a, beidawng lovin kan kal zel dawn a ni,” a ti bawk.

He hunah hian ZPM General Hqrs. Steering Committee Chairman, Lalliansawta chuan thu sawiin, ‘ZPM hi in \angrual em?’ tih zawhna an dawng fo tih a sawi a. “Kan \anrual tih hi kan chhanna a ni,” a ti.

MPC President, Lalhmangaiha Sailo pawhin he hunah hian Sorkar laipui in Look East Policy a rawn duan thu leh ‘Hmasawnna kawngkapui a rawn inhawng dawn e' tia nghakhlel taka kan lo thlir laiin Khawthlang lamah Mizo hnam chim-ralna tur kawngkapui zau tak a inhawng mek tih a sawi a, “Vote Bank atana Chakma hmang \hin te avangin keini Zoram tan Look West Policy duan a ngai hial ta a ni,” a. “ZPM a sorkar chuan Mizoram Budget pawtpenga Flagship Programme hming vuaha mahni Party mi leh sa vulh a bo anga, Budget pumpui hi mipui hma-sawnna atan rualkhai taka hman a ni tawh ang. Chu hun lothleng tur chu nghakhlel takin kan thlir mek a ni,” a ti bawk.

Aizawl a\anga ZPM hruaitu lo kal dang, B. Lalchhanzova pawhin tun dinhmunah Zoram hian innghahna tur kan nei lo tih sawiin, “Engtikah nge kan ram hi a dinchhuah ve ang le? tih hi tuna kal ram kalphungah hi chuan ngaihtuah pawh kan ngaihtuah ngam lo. Kan Politics khelh-dan dikloh vangin duh ang pawh sawi ngam lovin hlauhna bawih ah kan tang mek a, sorkar hnathawk te phei chu an \i dek a ni. Kum 2018 ah Kalphung Thar - Mipui Sorkar din turin i \angrual teh ang u,” a ti a. PL. Liandinga pawhin Mizoram kawng chhiat chhan chu kumin Fur ruahtui tam vang a ni lo tih sawiin, “Hun rei tak kan kawng ten ngaihsak an hlawh loh vang zawk a ni. A tirah Hrikpui tiatin a chhe \an a, a siam-\hatu tur ten an ngaihthah zel vanga heti taka lo chhe zui ta hi a ni zawk,” tiin ZPM an sorkar hunah chuan mitinin sorkar ah an chanvo an claim (chuh) ve thei tawh ang tih a sawi bawk.