District Jail, Aizawl-ah Health Camp nei

Nimin khan Aizawl District Jail-ah Health Camp neiin District Jail-a thawktute leh awm mek mi 76-te chu Medical Team ten an hriselna an enfiah sak a, Vawiin ah chhunzawm leh a ni ang.

Khawvel pum huapin World Health Organisation (WHO) chuan kum 2030-ah TB do rem tumin beihpui a thlak mek a. India ramah chuan Prime Minister hmalakna in kum 2025-ah TB hi um bo tum a ni thung a. Mizoram-ah pawh TB um bo a nih theih nan hian Central Sawrkar pawhin theihtawpin hma a rawn la a, chumi atan chuan kumin 2024 hian TB um bo beihpui rawn thlakin, hmalakna thar tam tak a rawn nei a. Central TB Division chuan Development partner hrang hrang – USAID, World Health Organization (WHO), Piramal Swasthya Management & Research Institute (PSMRI), Jhpiego leh Wadhwani AI te nen tangkawpin TB Elimination Accelerator Initiative Project an rawn nei chho mek a ni.

He Project in a tum ber chu Mizoram-a TB vei la hriatchhuah loh te a tam thei ang ber hriatchhuah vat a, damdawi leh enkawlna tha pek thuai a ni a. Chumi hnuaiah chuan khawl thar leh thiamna (Hand-held X-Ray leh Cough AI application) hmanga khaw hrang hranga Health Camp nei tura hmalak chhoh tan a ni.

Comments

Popular News (Last 30 Days)

LPG man bithliah thar