Lenkawl

Serchhip District Superintendent of Police, R. Sathiyasundaram IPS chuan MV Act 1988 Section 116 & 117 in thuneihna a pek angin Serchhip AOC Veng, Chanmari Road-a Ser-chhip-VII VC Hall ban chhaklam kil (Kawnpui Biak In peng hnaih ber) a\anga kawngdung AOC lampang, teh pheia meter 16-a thui, Electric hrui kaih nana Telephone ban an hman thleng chu No Parking Area atan a puang a. He Order hi Jan. 28-a tihchhuah kha niin hemi ni a\anga chhiara ni 7-na, Feb. 4 a\angin hman \an tur a ni ang.

District Sericulture Officer (DSO) Serchhip hnuaia Pangang khawitu, V. Sangluaia, Chhiah-tlang Hmar Veng chu Mizoram puma MUGA Silk Pangang khawi zinga enkawl \ha berah thlan niin Vawiin hian Aizawl-a Synod Conference Centre-ah he lawmman hi hlan a ni dawn a. V. Sangluaia hi karleh khian Serchhip District-a MUGA Silk Pangang khawi \ha ber lawmman hlan leh a ni bawk ang.

Information Communication & Technology Minister, Robert Romawia Royte hovin nimin khan Mizoram-a inbiakpawhna a \hat theihna tura hmalak dan tur hrang hrang sawihona neih a ni.

Horticulture Department hnuaia Technical Officer leh staff te chuan nimin khan Aijal Club-ah Meeting an nei a. He hun hi Horticulture Department enkawltu Chief Minister, Zoramthanga chuan a hmanpui a ni.

Nimin January 30, 2019 khan Serchhip-ah World Anti-Leprosy Day hmangin Phar natna chungchang zirhona neih a ni a. He hunah hian Phar natna vei te enkawlna dan thar, SPARSH Leprosy Awareness Campaign (SLAC) hawnna neih nghal a ni bawk.

Mizo Students’ Union (MSU) chuan Mizo-ram chhunga dan lova khaw din awm hrang hrangte chu tihtawp anih theih nan nasa zawk a hmalak nise an ti.

Mizoram-a ICDS Child Development Project Officer (CDPO) Association (MCDPOA) Annual General Conference vawi 23-na chu nimin khan White Stone Conference Hall, Aizawl-ah neih niin he hun hi Social Welfare Minister, Dr. K. Beichhua chuan Khuallian niin a hmanpui.

Tourism Minister, Robert Romawia Royte chuan nimin khan Bung Bangla a Institute of Hotel Management (IHM) Building tlawhin Institute of Hotel Management kalpui dan tur a enfiah.

Law Minister, TJ. Lalnuntluanga chuan khawpui-a pemluh kher ngailo turin thingtlang khua te buatsaih an tum thu a sawi.

India hmarchhak-a Regional Party hrang hrangte chu nimin khan Guwahati-a Hotel Vivanta-ah inhmukhawmin Citizenship Amendment Bill-2016 duhlohna lantir dan tur chungchang an sawiho.

Kum kalta 2018 chhung khan Serchhip District-a sawrkar damdawi In leh Institution-ah naupiang 723 awmin heng zinga 8 te chu van-duaithlak takin an boral a, naupiang sangkhat zela boral zat tehna, Infant Mortality Rate (IMR) chu 11.6% a ni a, Nu nau chunga boral erawh an awmlo thung. Serchhip District Hospital-ah kum kalta chhung khan OPD-ah damlo ineitir 29,418 awmin mi 3,388 te chu admit an ni bawk.

ZPM Steering Committee chuan kan hmaa inthlanpui hrang hrang lo awm turah Sakhaw zalenna leh Mizo hnam himna atana thawk thei ngei tur candidate atan an dah dawn tih an sawi.

Serchhip District Official Website siam thar 'https://serchhip.nic.in' chu nimin khan Serchhip District Bawrhsap, Sangchhin Chinzah chuan a duh apiangte hman theih turin a Pisa-ah a tlangzarh.

Information & Public Relation Department in Press Tour a buatsaiha Nagaland-a kal turte chu nimin khan I&PR Minister, Lalruatkima chuan Aizawl-a I&PR Department Office kawt a\angin a vailiam.

Mizoram Sawrkarin MLPC Act hnuaia Zu zawrh kalpui mek titawpa hun rei tak chhung Zu hralhchhuah phal lohna Ni, ‘Dry Day’ a puang chu Gauhati High Court Aizawl Bench-a khin a nih hnuah nimin khan Court chuan ngaihtuahin Dry Day kalpui mek chu a titawp.

Aizawl Civil Hospital in Aizawl-a MJA member te tana a thlawna inentirna an buatsaih chu nimin khan zawhfel niin he hun hi Health Minister, Dr. R. Lalthangliana chuan a hmanpui a, District danga MJA Member te tan District Hospital \heuh ah a thlawna inentirna hi buatsaih a nih tur thu a puang nghal bawk.

Health Minister, Dr. R. Lalthangliana hovin nimin khan Mizoram State Health Care Society (MSHCS) Governing Body \hutkhawm vawi 18-na chu Secretariat Conference Hall-ah neih a ni a, he hunah hian Mizoram State Health Care Scheme khawpui leh thingtlang lama huapzo zawka kalpui dan tur te, Mizoram State Health Care Scheme tana sum tam zawk dah te, Scheme hnuaia hnathawk ten 7th pay an dawn theihna tur te an rel a. Scheme changtlung zawka kenkawh dan tur te, damlo zin veivahna tur senso te, sawrkar Hospital bakah mimal Hospital pawhin an kalpui theih dan tur te sawiho a ni.

Nimin khan TNT Camp, Zuangtui Muanna Veng-ah Mizoram State Legal Services Authority huaihawtin Disability Certificate semna neih a ni a, he hun hi Law Minister, TJ. Lalnun-tluanga chuan khuallian nia hmanpuiin ruihhlo in a tihbuai te, rualbanlo te leh dinhmun tleu tawhte tana ham\hatna hrang hrang siam chu Chief Minister ngaih pawimawh ber a ni tih sawiin, SEDP-ah pawh a chuang thlap tih a sawi a.

Serchhip District Pik-Up Owners Association chuan nimin khan Assembly neiin an pawl hruaitu tur thlanna an nei.

Serchhip East Block MNF chuan nimin Serchhip-VII VC Hall-ah an President, T. Zadingliana kaihhruaina hnuaiah Executive Meeting an nei a,

Serchhip District Anti-Tobacco Squad chuan nikum (2018) chhung khan Squad Drive \um 68 zet neiin dan bawhchhia mi 100 chuang an man.

Serchhip District chhunga thuthar thehdarhtute tana Naupangte humhalh leh venhimna leh hursualna laka naupangte venhimna Dan zirhona chu nimin khan District Child Protection Unit (DCPU) Serchhip buatsaihin neih a ni a. He hunah hian DCPU Serchhip hmalakna hrang hrang inhrilhfiahna neih a ni bawk.

Nimin khan Kolasib DIET-a Principal leh thawktu dang ten Supreme Court thupek, ramchhung hmun danga kalpui angin Kolasib khawpui chhung hmun hrang hranga zirna In-a zirlai naupang sikul kai Ipte rih zawng an enfiah a; mithiamte’n zirlaite sikul kai ipte rih zawng tlangpui ni tura an duh dan aiin a rit zawk tih an hmuchhuak. Kolasib DIET hnathawkte’n an hmuhchhuah dan chuan pawl 1 leh pawl 2 zirlai naupangte ipte chu a tlangpuiin Kg. 4 a ni a, hei hi mithiamte duhdan kg. 1 leh a chanve aiin a rit zawk a, pawl 3 a\anga pawl 5 zirlaite ipte chu Kg. 5.2 a ni a, pawl 6 leh pawl 7 zirlaite ipte chu kg. 5.60; pawl 8 leh pawl 9 zirlai ipte kg. 6.75; pawl 10 zirlai sikul kai ipte chu kg. 7 a ni tlangpui bawk. Enfiahna a\anga a lan dan chuan Mizoram-a sikul naupangte ipte chu chawhrualin mithiamte duhdan aiin a lêt khat aia tam zelin a rit a ni.

Aizawl Municipal Corporation (AMC) hnuaia Plastic Free Committee member pasarih (7) leh official 1 chuan January 14 a\anga 22 inkar chhung khan Bengaluru, Mysuru, Goa leh Kolkata te tlawhin plastic an hman leh tihral dan an zir-chiang.

Health Minister Dr. R. Lalthangliana chuan Zirtawpni tlai khan Falkawn-a Mizoram Institution of Medical Education & Research (MIMER) a tlawh a, an hmalakna hrang hrangte a enfiah.

Rural Development Minister Lalruatkima chuan Zirtawp zan khan Durtlang-a State Institute of Rural Development & Panchayati Raj (SIRD & PR) hmun a tlawh a, Mizoram chhung District hrang hranga SIRD hnuaia faculty-te leh SIRD Durtlang-a thawkte infuih tharna hun a hmanpui.

Serchhip IOC Veng Branch YMA ni \hin chu Branch YMA in ‘Chhekhnai Branch YMA’ tia thlak an lo rel tawh leh Serchhip Sub-Hqrs. YMA Executive Meeting in alo pawmpui tawh angin Central YMA pawhin a rawn pawmpui ta a, tun a\ang chuan ‘Chhekhnai Branch YMA’ tih a ni tawh anga, an Veng hming erawh thlak ala ni lo thung. Tunhma chuan Serchhip IOC Veng vel hi ‘Chhekhnai’ tia sawi \hin a ni.

Serchhip District Magistrate, Sangchhin Chinzah chuan \henawm ram a\anga Vawk lakluh khapna thupek tun thla ni 23 khan a tichhuak.

United Penticostal Church (UPC) North East India hnuaia |halai pawl, Penticostal Youth Department (PYD) Bial inkhawmpui chu nimin Pathianni hmang khan bial hrang hrangah neih a ni a.

Presbyterian Kohhran-a Kristian |halai Pawl (K|P) in Zirtawpni zan a\anga Bial inkhawm-pui an neih chu nizan khan a \iak ta.

Mizoram-a tlawmngai pawl hrang hrang telna, NGO Co-Ordination Committee te dodalna hnuaiah India Republic Day vawi 70-na chu Inrinni khan Mizoram hmun hrang hrangah hman a ni a, Serchhip-ah pawh District Bawrhsap, Sangchhin Chinzah chuan Serchhip IOC Veng-a a Pisa tual-ah Hnam Puanzar hi a pawtparh a ni.

India Republic Day vawi 70-na chu Inrinni khan Aizawl-ah Mizoram Larsap, Kummanam Rajasekharan hova hman niin Larsap hian Hnam Puanzar a pawtpharh a. He hunah hian Chief Minister, Minister, MLA leh Sawrkar Official tlemte bak an tel lova, silai keng chi Sipai leh Police tih loh School naupangte pawh Parade-na ah an tel lo a ni.

Republic Day Volleyball DC’s Running Trophy chu nimin khan Final khela zawhfel a ni a, Mipa-ah Vengchung VC (A) leh Hmeichhia-ah Mamuani VC te an champion.

Vawiin-a India Republic Day lo thleng tur NGO Co-Ordination Committee ten Boycott an tum chungchangah niminkhan Serchhip District Bawrhsap, Sangchhin Chinzah chuan Ser-chhip-a NGO Co-Ordination Committee hruaitute a kawm.

Adviser to Chief Minister atana ruat, C. Lalramzauva Office hawnna leh Pathian hnena hlanna hun chu nimin khan neih a ni.

Vawiin-a India Republic Day lo thleng tur NGO Co-Ordination Committee in boycott an tum chungchang sawihona chu nimin khan Chief Minister hovin neih a ni a, Republic Day lawmna neih tura kal tur zingah VIP leh official pawimawh chin chu duty ten an dang dawnlo na thudawn a ni.

National Voters Day vawi 9-na chu nimin khan rampumah hman a ni a, Serchhip-ah pawh District Election Officer, Sangchhin Chinzah hova hman niin Serchhip District chhung Assembly bial tina BLO hna thawk\ha thlanchhuah te hnenah chawimawina hlan a ni.

Mizoram Larsap, Kummanam Rajasekha-ran chuan nimin khan lehlangin Lawngtlai District a tlawh a, Lawngtlai DC leh sawrkar mi pawimawh ten an lo dawngsawng.

Mizo Students’ Union (MSU) General Hqrs. hruaitute chuan nimin khan School Education Minister, Lalchhandama Ralte leh Law & Judicial Minister, TJ. Lalnuntluanga te chu an Office Chamber ah hmuin Zirlaite hmasawnna tur thil hranghrang leh Ram leh Hnam humhalhna kawng a pawimawhte an sawipui.

MNF President leh Chief Minister, Zoramthanga chuan Citizenship Amendment Bill-2016 chungchang avangin a \ul a nih chuan NDA a\anga MNF inhnuhdawh an hrehloh thu a sawi.

Republic Day Volleyball DC’s Running Trophy chu nimin khan Semi Final khelh zawh niin Vawiin ah Final khelh a ni ang.

Development Focus, Bangalore te chuan nimin khan Unity Orphanage Home Serchhip ah Laptop Computer pathum an pe.

Mihring ranvulh hrang hrang ten natna an tawrh te awlsam taka hriatchhuah leh inven a nih theihna tura inzirtirna hun, Animal Disease Surveillance Awareness Campaign chu nimin khan Serchhip-ah neih a ni a, he hunah hian kumin ah PRRS natna kan rama a len lohna tura nasa taka hmalak a nih thu tarlan a ni.

National Girl Child Day denchhenin nimin khan Beti Bachao, Beti Padhao (BBBP) kaltlangin mi 536 te hnenah Incentive Cash Award semchhuah a ni.

Nimin khan Serchhip DC’s Conference Hall-ah National Girl Child Day, 2019 leh Beti Bachao Beti Padhao (BBBP) Week, 2019 hmanna a ruala buatsaih a ni a. Serchhip District Bawrhsap, Sangchhin Chinzah chuan khuallian niin he hun hi a hmanpui a ni.

Prime Minister, Narendra Modi hova nimin a Union Cabinet \hukhawm chuan India Danpui Article 280 leh Sixth Schedule siam\hat a remti.

Food, Civil Supply & Consumer Affairs Minister, K.Lalrinliana hovin nimin khan a Office Chamber-ah ‘Cable TV Digitalisation Fee’ chungchangah hemi kaihhnawih sawrkar department Officials bakah Mizoram Consumers’ Union leh Cable Telelvision Operators aiawh ten meeting an nei.

Nimin khan Directorate of Health Services hnuaia Programme Officer-te chu Dr. F. Lallianhlira, Principal Director Office Chamber-ah \hukhawmin tunhnaia natna rawn hluar tak Scrub Typhus (Rannung seh) natna chungchang leh tunhnaia Thenzawl leh Buangpui khua a he natna hrileng chungchang a Health department hmalakna hrang hrang leh natna awmna hmun an zirchianna report an thlirho.

Citizenship Amendment Bill 2016 duhloh lantirna atana NGO Co-Ordination Committee in tunkar Inrinni-a India Republic Day lo thleng tur boycott an tum chu Serchhip-ah pawh Republic Day hi boycott a ni dawn.

Mizo Zirlai Pawl (MZP) in nimin a Mizoram hmun hrang hranga The Citizenship (Amendment) Bill  2016 duhloh lantirna atana ‘Hnam Chhanna Kawngzawh’ neih a rel angin Serchhip-ah pawh nimin khan he Bill duhloh lantir hian zirlai naupang ten Serchhip AOC Veng a\anga Bazar thlengin kawng an zawh.

Serchhip District chhung PHC leh CHC-a Medical Officer te tan Zeng hri umbo beihpui thlakna tura hmalak dan tur zirhona nimin khan Serchhip-ah neih a ni.

DIET Serchhip leh Zoram Entu Pawl (ZEP) Serchhip \angkawp te buatsaih Serchhip District chhung Elementary School-a English Subject zirtirtute tana training chu nimin khan neih \an a ni.

Mizo Students’ Union (MSU) General Hqrs. chuan Aizawl-a an Pisa pui, Zirlaite Run chu kumin atan an hawng leh ta.

Aizawl Khatla MG Road-a lei tlahniam avanga Lei dawh chu zawhfel a nih hnuah nimin khan hawn a ni.

Hrangturzo bialtu MLA leh Home Minister, Lalchamliana chuan nimin khan a bial chhunga Hriangtlang khua tlawhin Hriangtlang Community Hall-ah vantlang inkhawm buatsaihin an bialtu MLA atana an thlan tlin avangin lawmthu a hrilh.

Serchhip tlawha rawn zin Home Minister, Lalchamliana chuan Serchhip rawn tlawhin nimin zing khan Serchhip-a sawrkar Department hrang hrang hotute nen inkawmna an nei a. Home Minister chuan langtlang sawrkar, Eirukna awmlohna sawrkar din kan tum a ni tih hi Officer te rilruah cham reng se a duh thu Offier kalkhawm te hi a hrilh a ni.

Mizoram State Museum, Art & Culture Department buatsaih Museum Week chu nimin a\ang khan hman \an a ni a, tunkar Zirtawpni thleng hman a ni ang.

Mizoram sawrkar chuan Sinlung Hills Council (SHC) interim period chu thla ruk (6) chhung a pawtsei a, hei hian January ni 8, 2019 a\anga thla ruk (6) chhung emaw, Council inthlanpui neih thleng a awh ang. Mizoram sawrkar leh HPC (D) ten nikum-a inremna an siam hnuah sawrkar chuan Sinlung Hills Council (SHC) hi dinin Chief Executive Member-ah Lalthlamuana Hmar, Sakawrdai; Chairman-ah Malsawma Darngawn, |inghmun leh Deputy Chairman-ah Lalbiaknunga, Saiphai te bakah Executive Member atan mi 4, Member atan mi 5 leh Nominated Member atan mi 2 ruat an ni.

Nimin khan Kamalanagar-a CADC Rest House-ah Rasik Mohan Chakma chu Chakma Autonomous District Council (CADC) Chief Executive Member (CEM) atan lakluh a ni.

MNF Vice President leh Health Minister, Dr. R. Lalthangliana chuan, “MNF sawrkar tharah hi chuan SEDP-a ziahlan loh danglamna a khat tawkin in hmu zeuh zeuh dawn a ni. Chini pawh ration-a sem thar leh a ni ang,” a ti.

MZP General Hqrs. hruaitute chuan nimin khan LAD Minister, K. Lalrinliana chu a Office-ah kawmin Mizoram chhunga danlo a khawdin leh Mizoram leh Assam State inrina ramri chung-chang an sawipui.

Serchhip District Volleyball Association (SDVA) buatsaih Republic Day Volleyball DC’s Runnng Trophy chu nimin khan Serchhip Veng-chung Volleyball Court-ah khelh \an a ni.

Serchhip District Immunization Task Force Committee chu nimin khan District Bawrhsap Pisa-ah \hukhawmin National Immunization Day hman dan tur an sawiho.

Mizoram-a tlawmngai pawl hrang hrangte telna, NGO Co-Ordination Committee Joint Meeting chuan Citizenship Amendment Bill, 2016 kaltlang pui lo tura Sawrkar laipui-a ngenna an lo siam tawh ten awmzia nei lova Lok Sabha-a pass a lo ni ta chu hriatthiam har an tih thu an sawi a. He Bill hi tihtawp a nih ngei theih nan na zawka dodal \ha an tih thu sawiin, tun thla ni 26-a India Republic Day lo thleng tur chu Mizoram pumah Boycott ni se tiin, mipui, zirlai, sawrkar hnathawkte leh Item nei tur zawng zawngte pawh ram leh hnam tana Republic Day 2019 hmanna a kal lo ngam turin an ngen bawk.

Mizoram Upa Pawl (MUP)  General Hqrs. Office Bearer te chu nimin khan Raj Bhavan-ah lenglut in Larsap, Kummanam Rajasekharan an kawm a. Governor leh MUP hruaitute inkawmna ah hian kum upa zawkte ham\hatna chungchang te bakah Mizoram mamawh \henkhat chung-chang te sawiho a ni.

Nimin khan Police Training School, Thenzawl-ah 48th Mizoram Police Raising Day lawmna leh 67th Batch Recruit Constable Passing Out Parade chu neih a ni a, he hun hi Home Minister, Lalchamliana chuan Khuallian nia hmanpuiin ram in a mamawh ber chu Remna hnuaia hmasawn a ni, a ti.

India in infiamna huanga hma a sawn theih nan a huang zauh chhoh mek, Khelo India Youth Games 2019, Pune-a khelh mekah Mizoram chuan category hrang hrangah Medal pariat (8) a la tawh.

Inrinni khan Brigade Parade Ground, Kolkata-ah Trinamool Congress huaihawtin Mega Rally neih a ni a, he Rally-ah hian ZPM Leader, Lalduhoma, MLA leh Andrew H.Thangliana, MLA te an tel.

Mizoram Larsap, Kummanam Rajasekharan chuan Cancer natna \ihbaiawm tak chungchang leh a pumpelh dan inzirtirna chu hna pawi-mawh bik a ni, a ti.

Lawngtlai a\anga Myanmar ram pawh tura Kaladan Multi Model Transit Transport Project hnuaia kawngpui sial laia ram neitu intelkhawm, Lawngtlai District Land Owners Association in zangnadawmna phuta nimin a\anga hnathawktute dan an tum chu an \hulh lailawk a.

P&E Minister, R Lalzirliana leh Tualbung khawtlang hruaite te chuan Inrinni khan VC Hall, Tualbung-ah Tuirini Hydel Project sak tura Tualbung ram tuikhuah in a chim tur leh heng ram neitute tana harsatna awm thei sutkian dan tur chungchang an sawiho.

Naupang ten Badminton lama hma an sawn theihna tura Grassroot Badminton kalpui mek, Serchhip Central Management Committee (CMC) Grassroot Badminton Tournament kharna leh Mizoram puma Grassroot Badminton Tournament-a Serchhip in lawmman pakhatna an lak lawmna chu Inrinni khan neih a ni.

Chakma Autonomous District Council (CADC) Chief Executive Member (CEM) thar atan MNF MDC, Rasik Mohan Chakma chu dah a ni a, hemi chungchangah hian Mizoram Governor chuan hriattirna ti chhuakin, Inrinni (January 19, 2018) a\anga CEM hna hi chelh tura tih a ni a. CEM thar lakluh inkhawm hi Vawiin hian Kamalanagar-a CADC Rest House ah neih a ni ang.

Nikum 2018 chhung khan Serchhip District chhunga Police Station pathum- Serchhip, Thenzawl leh North Vanlaiphai Police Station-ah thubuai ziahluh 161 awmin heng zinga 138-ah te chuan Chargsheet thehluh fel a ni tawh a. Thubuai ziahluh zingah hian MLPC Act hnuaia thubuai ziahluh chu a tam ber a ni.

Mizoram Legislative Assembly din tharah eptu party chu MLA 13 lai thlang tling mah se dan ang taka Leader of Opposition an awm thei dawn lo.

Serchhip Auto Rickshaw Owners Association (SAROA) chuan nimin khan Assembly neiin hruaitu thlanna an nei.

Home Minister, Lalchamliana chuan MNF sawrkarin mipui beisei leh rin ang ngeia hna \ha an thawh chu Minister, MLA leh Worker-te mawh a nih thu a sawi.

Transport Minister, TJ. Lalnuntluanga chuan nimin khan Serchhip rawn tlawhin Lirthei thar neituten rang zawka High Security Plate an vuah theih nan hmalak anih dawn thu a sawi.

Chakma Autonomous District Council Session nimin a neih ah ‘Floor Test’ neiin MNF Legislature Party Leader, Rasik Mohan Chakma chuan sawrkar siam thei turin thlawptu MDC a ngah tawk tih fiah a ni.

Mizo Zirlai Pawl (MZP) chuan The Citizenship (Amendment) Bill, 2016 duhlohna lantir tura hma la zelin January 23, 2018 hian Mizoram pumah ‘Hnam chhanna Kawngzawh’ neih nise an ti a. Prime Minister leh Union Home Minister te lim chu hal nise an ti bawk.

Mizo National Youth Front (MNYF) Hqrs. chuan nimin khan damlo a mamawh apiangte hman turin Thisen Unit 73 an pe.

Kumin a India Republic Day lo thleng tur lawmna chikhat atana buatsaih, Republic Day Volleyball DC’s Running Trophy chu tun thla ni 21 a\ang khian khelh a ni dawn.

Serchhip-ah District Level Border Area Development Programme (BADP) Committee chu nimin khan an Chairman, Serchhip District Bawrhsap Sangchhin Chinzah hovin an \hukhawm a, BADP sum hmanna tura ruahman te pawm a ni.

PRISM Party chuan MLA te motor leisakna tur tihpun a, MLA te tana mipui sum cheng nuai 80 senbelh tur chu an duhloh thu an sawi.

MPCC Executive Meeting chuan an President, Lal Thanhawla kaihhruaina an rintawk thu sawiin, Ama hovin intuaitharna, insiam tharna leh inhlan tharna nen kan ram leh hnam leh Sakhua him nan thawh zel nise an ti.

Serchhip District chhunga Common Service Centre (CSC)/Village Level Entreprenuer (VLE’s) te tan nimin khan Pradhan Mantri Jan Arogya Yojana (PMJAY) hnuaia Golden Card siamdan zirhona neih a ni a. PMJAY hnuaia Golden Card hi CSC leh VLE te kaltlang hian Online hmanga siam theih a ni.

MZP General Headquarters hruaitute chuan nimin khan Home Minister, Lalchamliana chu a Office-ah an hmu a, pawl hmalakna hrang hrang bakah Inner Line Permit (ILP), Mizoram ramri leh Rel lo luh huna Zofate himna tur atana lo inven dan tur chungchangte an sawiho.

Tripura Bru Relief Camp 6-a Mizoram mi awmte chu kumin March ni 31 hma a Mizorama let tura hriattir an ni.

Tun thla chhung atana Mizoram hmun hrang hranga eirawngbawlna Gas man tur chu bithliah thar a ni leh ta a.

Serchhip Dawngzawl-a awm 159th Bn. BSF te chuan niminpiah khan Kei\um-ah Civic Action Programme hawnna hun hmangin Kei\um khawtlang tan infiamna hmanrua an hlan a, ram-ngaw leh nungcha humhalhna campaign an nei nghal bawk.

Chakma Autonomous District Council (CADC)-a Chairman dinglai paihthlak danah Dan kalha chetna a awm nia ngaiin Political Party pahnih- Chakma District Congress Committee leh CADC-a BJP te chuan inthlan\hat an duh thu Larsap hnenah an thlen.

Development Commissioner for Handlooms Weavers' Service Center, Aizawl buatsaih ni 4 chhung awh tur Serchhip District Level Event, Handloom Exhibition-cum-Sale chu nimin khan Serchhip-ah neih \an a ni a. Serchhip bialtu MLA, Lalduhoma chuan he hun hi khuallian niin a hmanpui a ni.

Co-Operation Department Minister, C. Lalrinsanga chuan nimin khan cheng nuai 35 senga din, Mizoram Urban Cooperative Development Bank Limited (MUCO) Bank Server chu hawngin, a vawi khatna atana MUCO Bank in an buatsaih ATM Debit Card a tlangzarh nghal bawk.

Tourism Minister, Robert Romawia Royte chuan Aizawl-a Institute of Hotel Management (IHM) tih puitlin a nih dawn thu a sawi.

Health Minister, Dr. R. Lalthangliana chuan nimin khan Health & Family Welfare Department a hotute kawmin an Department hmalakna tur hrang hrang a sawipui.

Thenzawl Pastor Bial |halai Kristian Pawl (|KP) te chuan Serchhip Blood Bank-a dah turin nimin khan thisen Unit 34 an pe a, thisen petute hi Mipa 26 leh Hmeichhia 8 an ni a, heng mi tlawmngai te thisen la tur hian Serchhip Blood Bank a\angin thawktute kalin BCM Bethlehem Kohhran Hall-ah thisen hi an lak sak a ni.

Serchhip Chanmari Veng-a PC. Lianngura Motor, LPK Truck chu nimin zing khan Cherhlun leh Thingsai inkarah chesualin vanneihthlak takin nunna chan an awmlo.

Association for Voluntary Blood Donation (AVBD) Serchhip Branch chuan thisen sawng-bawl man lak tihtawp chu lawmawm an tih thu sawiin, mipuite chu thisen pek uar deuh deuh turin an sawm.

MNF Party chuan ZPM Legislature Party Leader, Lalduhoma’n MNF chu Citizenship Amendment Bill a hlauhawm loh zawng hlira \hahnem-ngai taka thu thehdarha a puh chu thudik lo a ni tih an sawi.

MZP General Hqrs. President, L. Ramdinliana Renthlei chuan kumin kumthar chho ah hian Mizoram Sawrkar enkawl School hrang hranga zirtirtu indaihlo lutuk siamrem a nih theih nan hma an la dawn tih a sawi.

Chief Minister, Zoramthanga chu sawrkar thil pawimawh buaipui tura New Delhi-ah zin mekin niminpiah tlai khan Prime Minister nen an inkawm a, nimin tlai khan Home Minister a kawm leh bawk.

Instant Yeast hmanga Zu siam in lo turin an ngen Mizoram Excise & Narcotics Department chuan Hunpui kan hman zawh taka mipui leh tlawmngai pawlte nen thawhhona \ha tak an neih avanga lawmawm an tih thu sawiin, tunlaia Instant Yeast (Chhang siamna dawidim chi khat) hmanga Zu siam chu mihring tana hlauhawm a nih thu an sawi.

Inrinni zing tuk\huan ei lai vel khan Serchhip Dinthar Veng-a Ramherliana Motor, Truck chu Chekawn leh North Vanlaiphai inkarah che-sualin vanneihthlak takin mihring nunna chan an awmlo.

Zu khapna Dan ngaihtuah a \ul

Mizoram Consumer Union (MCU) chuan Mizoram puma eirawng-bawlna gas Subsidy Consumer te hnena lut mumal lo chungchang chhui chiang tur leh \ha taka a luh theihna tura hmala turin Mizoram sawrkar a ngen.

Mizoram Larsap, Kummanam Rajasekharan chuan Sawrkar in Accessible India Campaign kaltlangin mi chanhai, riangvaite leh pian-phunga rualbanlo te ham\hatna tur tam tak a duangchhuak dawn tih sawiin, Miretheite, Pachhia te, Riangvaite leh \anpui ngaite \anpui chu kan zavai hna a ni tih a sawi.

Aizawl Traffic Police chhinchhiah danin, kum 2018 chhung khan Aizawl leh a chhehvelah Traffic dan bawhchhia lirthei 16,053 an man a, chu'ng mite sum chawi tlingkhawm chu Rs. 57,65,050/- a ni.

Nort East Students Organisation (NESO) bultumin Inrinni khan hmarchhak State hrang hrangah ‘The Citizenship (Amendment) Bill, 2016’ duh lohna lantirtu zirlaite, sipai tha chakna hmanga dimna tel miahlo a a beih duh loh nan lungawiloh lantirna ‘Black Day’ hman a ni a. Mizoram-ah pawh Mizo Zirlai Pawl(MZP) bultumin Black Day hi hman ve niin hmun hrang hrangah Flag dum tar a ni.

Mizoram-a Kohhran hrang hrang zingah Presbyterian Church of India (PCI) chuan member an ngah ber.

Mizoram-a Zu khuahkhirhna Dan hman mek, MLPC Act, 2014 hnuaia zu dahkhawmna (Bonded Warehouse) leh Zu hralhna dawr (Wineshop) neitute chuan sawrkar tharin Zu hralh phal loh ni a puan rei lutuk chungchangah High Court-ah zualko an tum.

Kum 2019-a Serchhip Sub-Hqrs. YMA Committee hrang hrang hruaitu turte :

Health Minister, Dr.R Lalthangliana chuan thisen pekna tura sawngbawlna sawrkarin a tum turah kumkhatah cheng nuai 200 a\anga 300 inkar vel sen angai dawn tih sawiin, hei hi Budget Session neih leh hmasak berah Budget ah khung nghal tur anih thu a sawi a. "Blood processing fee lak loh hi manifesto-a kan dah a ni," a ti.

Nimin January 11, 2019 kha Mizoram-a Chanchin\ha thlenna Ni, Missionary Day vawi 125-na a ni a, Kohhran \henkhat chuan he Ni hi urhsun takin an hmang a ni.

Serchhip District Basaketball Association buatsaih Winter Tournament chu nimin khan khelh zawh a ni.

Kum kalta (2018) chhung khan Serchhip khawpui chhung, Serchhip leh New Serchhip area huamchin ah mitthi 145 an awm nia chhinchhiah a ni.

MSU Sub-Hqrs Lungsen chuan niminpiah khan dan lova khaw din, Tuichawngchhuah a chenna In rel mek chu \hat tura ngenin \hiah a ni.

Chakma Autonomous District Council (CADC) Area, Borapansury-a MZP ten ‘Zofate Chawlhbuk’ an sakna hmunhma chu niminpiah khan MZP chuan samfai hnatlang neiin MZP hruaitute chuan Mizoram chhungah ngei Mizo ten In leh lo neih theihlohna kan nei thei lo chu na an ti hle tih an sawi.

Information & Public Relations Department-a thawk te leh MJA member te chuan kumdanga an lo tih tawh \hin angin niminn khan inhlantharna hun an hmang a, he hun hi I&PR Minister, Lalruatkima chuan a hmanpui a ni.

ZPM Serchhip District chuan nimin khan thuchhuah siamin