Mizoram-a chanchantha thlenna Ni hmun hrang hrangah urhsun taka hman a ni

Nimin January 11, 2019 kha Mizoram-a Chanchin\ha thlenna Ni, Missionary Day vawi 125-na a ni a, Kohhran \henkhat chuan he Ni hi urhsun takin an hmang a ni.
Mizoram-a Chanchin\ha thlen Ni, Missionary Day hi sawrkar in Pisa chawlh-a a puan angin nimin khan sawrkar Pisa leh Zirna In hrang hrangte chu khar a ni a, Missionary Day hi Baptist Church of Mizoram (BCM) chuan urhsun taka hmangin Tualchhung Kohhran tinah Programme siamin an hmang a, Kohhran tam zawk chuan he Ni-ah hian Pathian hnena lawmthu sawina leh Missionary Day lawmna ruai an buatsaih a. Kumin Missionary Day-ah hian thupui atan “Isua Krista Khawvel Chhandamtu” tih a ni. Missionaary Day vawi 125-na pual hian nizan hmasa khan BCM Kohhran chuan hmun hrang hrangah Mei an det a, nimin chawhma inkhawm \an hmain Missionary Day vawi 125-na hriatrengna tura lungphun siam te chu hawn a ni a, hemi hnu hian Jubilee dar vawi 125 vuak a ni bawk. BCM Tualchhung Kohhran hrang hrangte chuan he Ni pual hian Pathian Biak Inkhawm neiin thuchah ngaihthlak a ni a, Kohhran tam ber chuan tlai lamah Jubilee lawmna ruai an kilho bakah zan lamah inkhawmna an nei bawk.
Isua Krista Kohhran (IKK) te pawhin Missionary Day hi urhsun takin nimin khan an hmang bawk a, Serchhip-a IKK chuan Chawhma, Chawhnu leh Zan lamah inkhawm neiin he Ni puala an Hqrs. lam a\anga thupui thlansa awm hmangin Pathian thuchah ngaihthlak a ni a, Kohhran mipui ten uar takin he ni hi an hmang a ni.
January 11, 1894 khan Mizoram-a Missionary hmasa ber, Sap Upa leh Pu Buanga-te chuan Sairang an lo thleng a, he Ni hi Mizoram-a Chanchin\ha thlenna Ni, Missionary Day-ah hman niin kum 1994 khan Mizoram-a chanchin\ha thlen Ni kum 100 tlinna pawh lawm a ni tawh nghe nghe a ni. Hetihlai hian Mizoram-a Kohhran lian ber, Presbyterian Church of India chuan kum 1973 Synod inkhâwmpui chuan Rev. William Williams chu Mizoram-a Chanchin \ha hriltu hmasa berah a lo pawm tawh tih sawiin, kum 2009 Synod inkhâwmpui chuan Rev. William Williams-a hi Missionary-te zînga Mizoram leilung rap hmasa berah a lo pawm leh bawk tih an sawi a. Ani hi Mizoram leilung rap hmasa bertu chauh ni lovin, Missionary-te zînga Mizote hnêna Chanchin \ha hril hmasa ber a nih bawk avangin kum 2012 Synod inkhâwmpui chuan a lo thlen ni March ni 15 chu Chanchin \ha thlen ni atân pawmin March 15 hi Missionary Day atan an hmang dawn thung a ni.

Comments

Popular posts from this blog

PAN CARD an tih teh fo hi - Laldinpuia