CSC leh VLE te kaltlanga PMJAY Golden Card siam dan zirhona Serchhip-ah neih a ni

/
Serchhip District chhunga Common Service Centre (CSC)/Village Level Entreprenuer (VLE’s) te tan nimin khan Pradhan Mantri Jan Arogya Yojana (PMJAY) hnuaia Golden Card siamdan zirhona neih a ni a. PMJAY hnuaia Golden Card hi CSC leh VLE te kaltlang hian Online hmanga siam theih a ni.

India khua leh tui, mi rethei leh harsa zawkten damdawi In-a inenkawlna senso an hmuh let theihna tura sawrkar laipui ruahmanna, PMJAY hnuaia Golden Card siam dan zirhona nimin a Serchhip DC’s Conference Hall-a neih hi CHT. Changrela, District Manager, E-District Serchhip chuan kaihruaiin Lalrengpuia, District Co-Ordinator PMJAY Serchhip District Hospital chuan PMJAY hnuaia Golden Card siamdan a lem en entirin a zirtir a, sawihona leh zawhna leh chhanna hun hman a ni bawk.
PMJAY hnuaia Golden Card siam tur hian Serchhip khawpui leh District chhung khaw hrang hrang a mipuite chuan anmahni khua leh Veng \heuha CSC leh VLE’s te kaltlangin Internet hmanga dilna form thehluh (Online Application Process) tur a ni a, he Golden Card dil theite tur te chu - RSBY Smart Card 2018 neite, kum 2018 (October)-a Heath Care Scheme-a hming chuangte bakah Socio Economic and Caste Census (SECC)-2011 a hming chuangte a ni anga, heng Document hrang hrang - Family Ration Card, RSBY Card, Aadhar Card leh Voter ID (Original) neih tur a ni bawk.
Hei bakah hian Naute piangthar hlim, Golden Card dil turte chuan Birth Certificate an la nei hmanlo anih chuan an Family Ration Card leh Damdawi In a\anga an chhuahna (Discharge Certificate) an hmang thei dawn bawk a, hemi atan hian District chhung khaw \henkhat, VLE’s/CSC awmlohna khua te pawhin an bulhnai khua a CSC/VLE Centre te an pan thei dawn bawk a ni.
PMJAY hnuaia Golden Card hi mi pakhat tan zel niin he Card hmang hian damdawi In-a inenkawlna senso cheng nuai 2 thleng hmuh theih a ni dawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »