Republic Day boycott chung-chang Bawrsap in sawipui
Vawiin-a India Republic Day lo thleng tur NGO Co-Ordination Committee ten Boycott an tum chungchangah niminkhan Serchhip District Bawrhsap, Sangchhin Chinzah chuan Ser-chhip-a NGO Co-Ordination Committee hruaitute a kawm.
Serchhip District Bawrhsap Pisa-a he inkawmna ah hian District Bawrhsap chuan NGO Co-Ordination Committee ten Republic Day lo thleng tur boycott an tum chu \hulh turin a ngen a, amaherawh chu NGO Co-Ordination Committee hruaitute chuan Republic Day boycott an tum chhan hrang hrangte sawiin, Aizawl lama an hruaitute ruahmanna anga kal an nih avangin anmahni thu chuan \hulh mai thei an nih loh thu leh thuneitu sang zawk a\anga thuthar a awm a nih loh chuan ruahmanna awmsa anga an kal dawn thu an sawi a ni.
Bawrhsap chuan Republic Day ah hian sawrkar lam chuan ruahmanna engkim a nihna tur pangngaia an kalpui vek thu leh tunah hian engkim peihfel a nih tawh thu sawiin, boruak muanawm tak hnuaiah harsatna lian thleng lova thil kalpui a nih ngei a beisei thu a sawi a. NGO Co-Ordination Committee hruaitute pawhin mipuite tana harsatna siam ngawr ngawr chu an tum a nih loh thu leh harsatna leh buaina lian zawk a thlen loh ngei an beisei thu an sawi bawk.
He inkawmna ah hian Serchhip District Bawrhsap, Sangchhin Chinzah bakah District thuneitute leh Serchhip District SP, R. Sathiyasundaram, IPS te an tel a, NGO Co-Ordination Committee lam a\angin an hruaitute an tel bawk.
Comments
Post a Comment