Larsap in Samaritan Riangvaite Run a tlawh

Mizoram Larsap, Kummanam Rajasekharan chuan Sawrkar in Accessible India Campaign kaltlangin mi chanhai, riangvaite leh pian-phunga rualbanlo te ham\hatna tur tam tak a duangchhuak dawn tih sawiin, Miretheite, Pachhia te, Riangvaite leh \anpui ngaite \anpui chu kan zavai hna a ni tih a sawi.

Mizoram Larsap, Kummanam Rajasekharan hian Inrinni khan Seling Zero Point-a Samaritan Riangvai Run tlawhin Project Pushpak-BRO Wives Welfare Association (BROWWA) ten Charity Programme-Cum-Medical Camp an buatsaih chu a hmanpui a, he hunah hian Larsap chuan Mizoram tana kum 51 chhung zet chhum lo chat lova hmasawnna kawng hrang hrang, a bikin inkalpawhna kawngpui siam hna thawktu Border Roads Organisation (BRO) hnathawkte chungah lawmthu sawiin, midang te tana inpe pumhlum, Home enkawltute chungah lawmthu a sawi bawk a. Larsap chuan mirethei te, pachhia te, riangvai te leh \anpui ngaite \anpui chu kan zavai hna a ni tih sawiin, \halai te tan phei chuan \anpui ngaite \anpui aia thil intihhmuh tura \ha zawk a awm chuan loh thu a sawi a, BROWWA te huaihawt hmangaih rawngbawl hna chu \anpui ngaite \anpui kawngah midangte mit tivartu a ni ngei a beisei thu a sawi bawk.

Larsap chuan Sawrkar in Accessible India Campaign kaltlangin mi chanhai, riangvaite leh pianphunga rualbanlo te ham\hatna tur tam tak a duang chhuak dawn tih sawiin, India Sawrkar chu Rualbanlohna hrang hrang avanga mi vanduai te tan Sawrkar thil phal zawk nih theih tumin a in buatsaih mek tih a sawi a. Hei hian a tak ram a thlen hma chuan dinhmun ziaawm zawk ten khawtlanga mi khawngaihthlak tak tak te theihtawpa lo \anpui chhunzawm zel chu khua leh tui \ha tihtur a nih thu a sawi bawk.

He hunah hian Samaritan Riangvaite Run Board aiawha thu sawitu K. Lalnghinglova chuan Samaritan Riangvai Run chu KT. Khawla'n Pathian kohna a hmuh a\anga lo indin a nih tih a sawi a. Tun dinhmunah mi 52 awm mekin khaw \henkhata cheng, pianphunga rualbanlo mi 54 te hnenah thlatin tanpuina Rs. 200/- \heuh a pe mek bawk a ni.