Cable TV Digitalisation Fee chungchang sawiho

Food, Civil Supply & Consumer Affairs Minister, K.Lalrinliana hovin nimin khan a Office Chamber-ah ‘Cable TV Digitalisation Fee’ chungchangah hemi kaihhnawih sawrkar department Officials bakah Mizoram Consumers’ Union leh Cable Telelvision Operators aiawh ten meeting an nei.

He Meeting-ah hian Supply Minister, K. Lalrinliana chuan sawrkar laipuia Telecom Regulatory Authority of India (TRAI)-in February ni 1, 2019 a\anga Cable TV leh DTH Operator zawng zawngte chu Digitalization ti vek tur leh an consumer-te hnen a\anga fee an khawn dan tur Dan thar an ruahman te chu hman vek tura hriattir a nih takah chuan Mizo-ram-ah pawh engemaw chen nghawng a nei chho zel tih a sawi a, mipuiten an chanvo dik leh \ha ber an chan theih nan hmalak zel pawh tum a ni, a ti a. TRAI ruahmanna tharte chu a rang leh dik thei ang ber, mipuite tana phurrit engmah siam belh chuang lova kalpui a nih theih nan sawrkar leh Consumers’ Union leh Cable TV/DTH Operator te pawhin thawhhona \ha leh langtlang an nei a, mipuite tan theihtawp chhuah turin Minister chuan a hrilh a ni.