PRRS laka Mizoram a him theih nan Mizoram pumah nasa taka tan lak mek a ni

Mihring ranvulh hrang hrang ten natna an tawrh te awlsam taka hriatchhuah leh inven a nih theihna tura inzirtirna hun, Animal Disease Surveillance Awareness Campaign chu nimin khan Serchhip-ah neih a ni a, he hunah hian kumin ah PRRS natna kan rama a len lohna tura nasa taka hmalak a nih thu tarlan a ni.

AH&Vety Department Directorate buatsaih Serchhip P&E Veng YMA Hall-a Animal Disease Surveillance Awareness Campaign hi Serchhip DVO, Dr. C. Zarzokima chuan kaihruaiin kan ranvulh te a\angin natna hrang hrang kan kai thei tih sawiin, heng te hi inkai awlsam tak tak te a nih \hin avangin hetiang hun hi ruahman a nih thu a sawi a. He hun rawn hmanpuitu Dr. F. Lal\anpuia, Deputy Director, AH&Vety Department chuan tun \uma ran natna chungchang inhrilhhriatna hun an buatsaih ah hian ran natna hrang hrang zingah Vawk natna, PRRS chu an aupui nasat ber a nih thu sawiin, he natna hi kum 2013, 2016 leh 2018-ah te Mizoram-ah nasa taka a len tawh thu sawiin, nipui alo thawt dawnah he natna hi a len \hin avangin kumin ah he natna hi a len lohna turin Mizoram pum tuam tura hma an lak thu a sawi a. Tunah hian District \henkhat tuam tawhin District hrang hrangah an kal dawn thu leh District tina DVO te pawhin anmahni huamchhung \heuha Dispensary-ah hetianga inzirtirna hi an kalpui ve dawn thu a sawi bawk.

Nimin a he hun hman ah hian Dr. Neihthangpuii, Vety Officer chuan ran natna chi hrang hrang leh Mizoram-a a len \hin dan te tarlangin, tun dinhmun ah chuan PRRS chu kan rama ran natna hri leng nasa ber leh kan buaipui ber, kan ram economic dinhmun pawh sawi danglam thei a nih thu a sawi a, hei vang hian Mizoram in he natna hi kan tawrh lohna tura nasa taka kan lo in buatsaih a \ul thu pawh a sawi bawk.

He huna tarlan a nih danin kum 2013, 2016 leh 2018-ah Mizoram-ah PRRS natna hi a lo leng tawh a, kum 2013-ah Vawk damlo 4029 enfiah a\angin Vawk 745 te chuan PRRS hi an vei tih hmuhchhuah niin he hri avanga Vawk thi 3806 an awm a. Kum 2016-ah Vawk damlo enfiah 351 awmin PRRS vei 200 hmuhchhuah an ni a, PRRS avanga Vawk thi 4699 an awm tih chhinchhiah a ni bawk. Nikum 2018 khan Vawk 4241 enfiah a\angin PRRS vei Vawk 777 hmuhchhuah a ni leh bawk a, PRRS avanga thi 2574 an awm bawk a ni.