Police ten venhimna ah harsatna an tawklo

Krismas leh Kumthar vuakvet chu boruak ralmuang tak hnuaiah hman zawh a ni a, dan leh thupek kenkawh kawngah Police ten harsatna lian an tawk lo a. Hetih lai hian zu erawh an man hnem hle thung.
Mizoram Police-a IGP (Law & Order), LH. Shanliana chuan Krismas leh Kumthar vuakvetah dan leh thupek kenkawh kawngah Police-ten harsatna lian an nei lo tih sawiin, “Thlamuang taka hunpui hman anih theihnan ram pum huap bakah District leh Police Station Level-ah te Coordination Committee kan siam a, heng ah te hian Police, Excise & Narcotics Department leh YMA te nen hma kan la a, mipui thlawpna kan hmuh \hat bawk avangin harsatna kan nei lo a ni,” a ti a. Mizoram leh state dang inkal-pawhna hmun pawimawh 10-ah te Check Post siamin tlawmngai pawlte nen an duty tlang \hin niin IGP chuan a sawi bawk.
Krismas leh Kumthar vuakvetah hian Mizoram Police-te chuan Zu kaihhnawih case 56 an ziaklut a, Mizoram sawrkarin halpuah, halmawi leh silai lem, a mu kapchhuak thei zuar lo tur leh hal lo tura a ngenna bawhchhia mi 15 man an awm bawk a. Silai lem, a mu kapchhuak thei zuar hi mi 8 manin halpuah leh halmawi zuar leh hal mi 7 an man bawk.

Comments

Popular posts from this blog

PAN CARD an tih teh fo hi - Laldinpuia