Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Tuirini HP sawihona nei

P&E Minister, R Lalzirliana leh Tualbung khawtlang hruaite te chuan Inrinni khan VC Hall, Tualbung-ah Tuirini Hydel Project sak tura Tualbung ram tuikhuah in a chim tur leh heng ram neitute tana harsatna awm thei sutkian dan tur chungchang an sawiho.
He hunah hian P&E Minister chuan Mizoram in kawlphetha a mamawhna pung zel phurhrukna tura sawrkar hmalakna do tu ni lova Tualbung khua in an ram an hman tir chu lawmawm a tih thu a sawi a. Tualbung VCP, F. Ro\huama chuan Tualbung mipui, Lo nei a eizawng te tan Tuirini Hydel project avanga Lo neihna tur ram a tlem sawt dawn thu sawiin, heng an harsatna a chhawmdawl an nih theihna tur kawng hrang hrang Minister hnenah hian a thlen nghal bawk.
Tuirini Hydel Project hi kawlphetha 24 MW pechhuak thei tur a ruahman a ni a, kum 4 leh a chanve chhunga sak zawh hman tura ngaih niin a sak na tur senso hi cheng vbc. 465 a ni a. Hemi atan hian BRICS a\angin cheng vbc. 335 hi dil mek niin Ministry of New & Renewable Energy leh Mizoram in a bak senso hi an tum dawn a ni. He project sakna tur hian Khanpui, Lailak, Saitual, Keifang, Thingsulthliah, Seling, Sesawng leh Tualbung khua a VC pass leh Periodic pata ram 185 a huam dawn a, Hactare 380 a zau niin  ram hman phalna lak a ni tawh a ni.

Comments

Popular News (Last 30 Days)