Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

Lirthei thar nei ten rang zawka High Security Plate an vuah theih nan hmalak a ni dawn

Transport Minister, TJ. Lalnuntluanga chuan nimin khan Serchhip rawn tlawhin Lirthei thar neituten rang zawka High Security Plate an vuah theih nan hmalak anih dawn thu a sawi.
Mizoram sawrkar-a Transport Minister thar, TJ. Lalnuntluanga hian nimin khan Serchhip-a a Department enkawl te hmunhma tlawhin DTO Office leh Law & Judicial Department hnuaia District Court leh Staff Quarters sak mek bakah Bus Terminal Building sakna tura ruahman te chu a tlawh a. Khawtetlang-a Law & Judicial Department hnuaia Staff Quarters sak mek a tlawhna ah hian Minister chuan Staff Quarters tur pathum (3) sak mek leh a hungna tur siam hna thawh mek te chu a en a, helai hmuna Law & Judicial ram hung hna thawh mek, ko bal (min) a awm avanga chhunzawm theihloh pawh a rang lama chhunzawm a nih theihna tura hma la turin a chah a. A Department enkawl dang, Forest Department hotute chu helai hmun cheimawi kawngah hma la tura chahin, thingphun belh tur te leh an thingphun te pawh a cheina tur chi deuh ngaihtuah turin a chah bawk.
Hemi hnu hian Tranport Department changtu ni bawk Minister hian Serchhip IOC Veng-a District Transport Office chu tlawhin District Transport Officer, Lalrinsanga leh thawhpuiten lo dawngsawngin, Office Building thuam\hat ngaite leh thawktute indaihlohna chungchangte bakah an Office mamawh chi hrang hrangte an lo thlen a, heng bakah hian Lirthei thar neituten rang zawka an Motor Registration No Plate (High Security Registration Plate) an vuah zung zung theihna nan hmalak anih dawn thu Minister chuan a sawi bawk.
Hemi hnu hian Minister hian Serchhip IOC Veng-a District Court Building chu tlawh lehin Chief Judicial Magistrate, Lalngaihmawia Zote leh a thawhpui ten an lo dawngsawng a, he hunah hian District Court Building chhung fangkualin CJM hian an hmalakna hrang hrangte a lo hrilhfiah bawk a, Serchhip District Court building-a Bar Room chu chei\hat deuh ngaia a hriat thu Minister chuan a sawi bawk.
Serchhip-a rawn kal Transport Minister hian nimin chawhnu lam khan Serchhip-a an Party Block hruaitute kawmin hemi hnu hian Thenzawl a pan leh nghal a, Thenzawl a panna kawngah hian Serchhip Darnam Tlang-a Bus Terminal hmun tura lo ruahman pawh a tlawh leh nghal bawk. Forest Minister ni bawk, TJ. Lalnuntluanga hian Thenzawl-ah hian DFO Office leh Forest Department hmunhma te a tlawh ang.

Comments

Popular News (Last 30 Days)