Latest News

Republic Day Volleyball Tournament khelh zawh a ni

Republic Day Volleyball DC’s Running Trophy chu nimin khan Final khela zawhfel a ni a, Mipa-ah Vengchung VC (A) leh Hmeichhia-ah Mamuani VC te an champion.

Tunkar Thawh\anni a\anga Serchhip Vengchung Volleyball Court-a khelh Republic Day Volleyball DC’s Running Trophy kharna hun hi nimin khan Serchhip District Volleyball Association President, K. Tlangthanmawia kaihhruaiin neih a ni a, he hun hi Serchhip District Sports Committee Treasurer, John Zorammawia chuan khuallian niin a hmanpui a ni. 
Nimin he Tournament khara inkhawm hman zawh a nih hian Mipa Final khelh a ni a, Mipa-ah hian Team 9 telin Pool hnih ah \hen an ni a, Pool hnih a Point hmu sang 2 ve ve ten Semi Final khelin heta chak 2, Vengchung VC (A) leh Om Om VC te chuan nimin khan Final hi an khel a, Vengchung VC (A) hian Set nga khelh turah Straight Set (3-0) a hnehna changin an champion a, Champion Team hian Trophy leh Rs. 10,000/- dawngin pahnihna hian Rs. 5000/- an dawng bawk a ni.
Nimin chawhma lama Hmeichhe Final khelh ah Mamuani VC chuan Biakmuana Memorial VC chu 3-1 a hnehin an champion bawk a, Hmeichhe inelna ah hian Team pali (4) telin heng Team hrang hrangte hi an inkhelh kual vek hnuah point hmu sang pahnih ten Final khelin Mamuani VC hian Biakmuana Memorial VC hi an hneh a, Hmeichhe champion hian lawmman ah Trophy leh Rs. 6000/- dawngin pahnihna hian Rs. 3000/- an dawng bawk a ni.

Comments

Popular News (Last 30 Days)