CADC-ah MNF kaihhruai sawrkar thar lakluh a ni

Nimin khan Kamalanagar-a CADC Rest House-ah Rasik Mohan Chakma chu Chakma Autonomous District Council (CADC) Chief Executive Member (CEM) atan lakluh a ni.

CADC-a CEM lakluhna inkhawm ah hian Lawngtlai District Bawrhsap, N. Chakhai MCS chuan CEM thar tur hi rinawmna thu a tiamtir a, he hun hi Mizoram sawrkar a AH&Vety Minister, Dr K. Beichhua chuan telpuiin CADC-a Member te, CADC leh state sawrkar hnuaia Official-te, political party lam leh tlawmngai pawl aiawhte an tel a ni.

CADC-a Chief Executive Member thar, Rasik Mohan Chakma chuan amah lakluhna hun hriatpui tura state sawrkarin Minister a tir chu lawmawm a tih thu sawiin, a kaihhruai sawrkar tharin a ngaih pawimawh ber tur chu mitin huap zo sawrkar \ha din a nih thu a sawi a. Zirna, ei bar zawnna, khawtlang nun leh kawng hrang hrangah hmasawnna hmel hmuh tur a awm zel ang tih sawiin, party bil induhsakna leh phuba lakna lam ni lovin a \ha zawnga inthlakthleng chu an sawrkar hna thawh dan tur a nih thu a sawi a. Khawvel hmun hrang hranga Chakma te ham\hat nan leh CADC huamchhunga hnam hrang hrangte inkara inremna leh inzahtawnna a awm theih nan hma an lak tur thu a sawi bawk.

January ni 18, 2019-a Floor Test buatsaihah CADC sawrkarna siam tura thlawptu a ngah tawk avangin Opposition Leader nilai, MNF Legislature Party hruaitu, Rasik Mohan Chakma hi Mizoram Governor chuan CEM thar atan a ruat a. Kum 1999 a\anga 2003 leh kum 2003 a\anga 2008-ah te khan CEM lo ni tawhin, tun hi CEM-a a \hut \um thumna tur a ni a. Kum 1993-a a \umkhat nana MDC-a thlantlin a nih hnuah 1-Borapansury-I Constituency a\angin MDC-ah \um 5 thlantlin a ni tawh bawk. Rasik Mohan Chakma hi tun term kallai, 10th CADC-a CEM pahnihna niin, Shanti Jiban Chakma a thlak a. BJP ticket-a thlantlin Shanti Jiban Chakma hi May 2018-a lakluh a nih a\angin thla kaw (9) chhung CEM a ni hman a ni.