MJA Member tana Free Clinic zawhfel a ni

Aizawl Civil Hospital in Aizawl-a MJA member te tana a thlawna inentirna an buatsaih chu nimin khan zawhfel niin he hun hi Health Minister, Dr. R. Lalthangliana chuan a hmanpui a, District danga MJA Member te tan District Hospital \heuh ah a thlawna inentirna hi buatsaih a nih tur thu a puang nghal bawk.

Civil Hospital Medical Superintendent Dr. KL. Remsanga kaihhruai Free Health Clinic kharnana inkhawmah hian Health Minister, Dr.R. Lalthangliana chuan Aizawl Civil Hospital bakah sawrkar damdawi In hrang hrang te tihchangtlun a \ul thu sawiin, khawl chauh ni lovin, a thawk tur mihring thlenga mamawh belhna a nasat thu a sawi a. Mizorama Medical College awmchhun MIMER chungchang sawiin Health Minister chuan tunah hian 'transitional period' ah an awm thu leh Society anga kalpui a \ha ber em tih zirchiang tur Committee din turin chak taka hma lak a ni tih a sawi bawk.

Health Minister chuan Medical College \ha tak Mizoram in kan neih zel dan turah Sawrkar in uluk tak leh fim taka ngaihtuahna nen hma an la chhunzawm dawn tih sawiin, Health Care Scheme changtlung zawk, Zoram mipuiten awlsam leh zuala a ham\hatna an chhawr theihna tur ngaihtuaha ennawn a nih tur thu a sawi bawk.

He hunah hian Deputy Medical Superintendent, Dr. John Zohming-thanga chuan MJA te nena thawhhona \ha tak an neih avanga he programme hi nei thei an nih thu a sawi a, kumin ah hian mi 78 in Free Check-Up an neih thu a sawi a. Civil Hospital-ah hian BPL leh RSBY hnuaia Card neite chu a thlawna inentir an nih thu te, an ni bakah hian free awm ngawih ngawih ang chi te, jail tang te, HIV hrik kai te leh kalpuitu neilo a dahluh tawp ang chite chu inenkawlna man an lak ngai loh thu a sawi a. Heng senso tur hi Hospital dang leh clinic danga an lak aia tlem te te zawk an lo lak ve RKS suma lut te a\anga hman \hin a nih thu a sawi bawk.