Hna \ha thawh MLA leh Worker te mawh tih sawi

Home Minister, Lalchamliana chuan MNF sawrkarin mipui beisei leh rin ang ngeia hna \ha an thawh chu Minister, MLA leh Worker-te mawh a nih thu a sawi.

Nimin a Aizawl Mizo Hnam Run-a MNF Chhung Inkhawm ah thu sawiin Home Minister, Lalchamliama chuan Sawrkar hmasa ah khan Material supply-ah sample \ha tak thehlut si-a a aia chhia an supply \hin nia sawi te a awm thu sawiin, MNF sawrkar-ah chuan a thiang ve lo tih a sawi a. Quality \ha ber supply pawhin hlawh chu a awm tho tih sawiin, “MNF hna reng reng chu a tloin a rinawm tur a ni. Tute emaw sawrkar ang khan Contract hna mi pahnih/thum hnena hralh chhawn angte kha a awm ve tur a ni lo, hausak thut te hi a hrisel lo a, a tlo lo bawk,” a ti a. Ramhnuaia zalenna suala lokirte leh Martar chhungte chu a vei em em tih sawiin, “Rehabilitation Department changtu ka nih angin Chief Minister nen heng mite chungchang hi kan la sawi dun ang,” a ti bawk.

Home Minister chuan Minister chuan Congress leh BJP chu Delhi tlang a\anga chakna la an ni tih sawiin, “MNF chu kan danglam bik. Ram tan zalenna sualin thisen leh nunna thlengin an lo hlan tawh a, kan danglam bik a, thlawh khum policy neih a thiang ve lo. Sawrkar kalta anga therhlo chi hrang hrang te, ni 100 inhlawhna thlengin induhsak bikna awm ang kha a thiang ve lo. Mizo Nationalism hi a takin vawngnung zel ila. Vai leh hnamdang huat ngawt hi Nationalism kalphung a ni lo. Rinawmna leh dikna kan vawng tlat tur a ni. Nationalism hniamna apiangah ram a rethei \hin,” a ti bawk.